Alé voir le kontenu

Alé voir le sou-menu

Alé voir le somèr

Bann Témoin Jéova

Kréol Rénioné

Bonn nouvèl Bondieu i donn !

 LESON 3

Èske sé vréman Bondieu ke la donn bann bonn nouvèl dan la Bib ?

Èske sé vréman Bondieu ke la donn bann bonn nouvèl dan la Bib ?

1. Kisa la ékri la Bib ?

La Bib i anons in nouvèl : bann zumin va viv pou toultan su la tèr (Psom 37:29). Dan son totalité, la Bib néna 66 ti liv. Dieu la utiliz 40 mesieu ke lavé la foi pou ékri la Bib. Néna apepré 3500 zan, Moiz la ékri lé sink premié liv. Lapot Jan la ékri le dèrnié liv néna plus 1900 zan. Mé èske bann zékrivin la Bib, la ékri bann pansé Bondieu ou sad zot ? Sad Bondieu bien sur ! Gras son léspri sin, li la fé konprann banna sad li té ve (2 Samuèl 23:2). Alor, lé bien Jéova ke la fé ékri la Bib. — Lir 2 Timoté 3:16 ; 2 Pièr 1:20, 21.

2. Koman èt sur ke sé Bondieu ke la fé ékri la Bib ?

Nou koné ke la Bib i vien d’Bondieu, parske le plu ti zafèr ke li anons su lavnir lé vré é sur. La poin in moun ke lé kapab fèr sa (Jozué 23:14). Rienk Bondieu le Tou Puisan lé kapab dir lontan avan kosa li sar fé pou la tèr, san tronp a li. — Lir Izai 42:9 ; 46:10.

Si ou réfléchi bien, in liv ki vien d’Bondieu i doi èt unik. Sé le ka pou la Bib. Bann miliar d’Bib la été distribué an san lang é plus. Lé vré, sé in vieu liv, mé sad li di i akord avèk la sians. In not nafèr, sèk bann 40 zékrivin la ékri i kontredi pa zot ant zot *. An plus, kan ou lir a li, ou resan lamour Bondieu. Ojourdui ankor, li pe rann la vi domoun méyeur. Tousa bann preuv la, i pous bann domoun par milion, kroir ke la Bib lé la Parol Bondieu. — Lir 1 Tésalonisien 2:13.

 3. Kosa ou pe aprann dan la Bib ?

Dan la Bib néna bann bonn nouvèl. Sa i prouv ke Bondieu i èm a nou é ke li néna in gayar projé pou tout domoun. Li ésplik a nou, par koman o premié débu nou la pèrd le gayar kado : viv dann in paradi su la tèr. Li mont a nou osi, koman Bondieu va fé pour redonn a nou in paradi su la tèr. — Lir Révélasion 21:4, 5.

Dan la Bib néna osi bann loi, bann prinsip é bann konsèy. An plus, li rakont koman Bondieu la aji avèk bann zumin, é sa i fé konèt a nou son karaktèr. La Bib i pe fé konèt a ou kisa i lé Bondieu. Li amont kosa i fo ou fé pou devnir in bon kamarad Bondieu. — Lir Psom 19:7, 11 ; Jak 2:23 ; 4:8.

4. Koman ou pe konprann la Bib ?

Brochur la i ansèrv le mèm fason ke Jézu té ansègn, sé pousa li va èd a ou konprann la Bib. Jézu té utiliz in bonpe vèrsé biblik, é li té ésplik « le sans bann [Sint] Zékritur ». — Lir Luk 24:27, 45.

La poin rien lé plu gayar, ke bann bonn nouvèl ke Bondieu i donn. Malgrésa, néna bann domoun i fé pa in kont èk sa, é dot i èm pa bann bonn nouvèl la. Surtou dékouraj pa ou. Ou pe éspèr viv pou toultan, seulman si ou aprann konèt Bondieu. — Lir Jan 17:3.

 

^ § 3 Voir brochur Un livre pour tous.