Alé voir le kontenu

Alé voir le sou-menu

Alé voir le somèr

Bann Témoin Jéova

Kréol Rénioné

In vi d’fami ereu lé posib

 LESON 2

Rès fidèl out konjoin

Rès fidèl out konjoin

« Sak Bondieu la uni ansanm, i fo pa ke lom i sépar a li » (Mark 10:9).

Jéova i demann ke nou ièm in kalité : « lamour fidèl » (Mika 6:8, not). Sa lé surtou inportan dan le maryaj, parske san la fidélité, la konfians i égzis pa. Dayeur, pou ke lamour i grandi, lé oblijé ke néna la konfians.

Ojourdui, gard la fidélité dan le maryaj i devien ankor plus difisil. Pou protèj out maryaj, i fo ou mèt an pratik lé deu konsèy an d’sou la.

 1 MONT KE OUT MARYAJ NÉNA IN PLAS INPORTAN POU OU

SÈK LA BIB I ANSÈGN : « Vérifié bann zafèr lé plu zinportan » (Filipien 1:10). Out maryaj i doi èt parmi bann zafèr lé plu zinportan dann out vi. Li doi fé parti out bann priorité.

Jéova i ve ke tout out latansion lé pou out konjoin é ke ou profit la vi ansanm li (Éklézias 9:9). Li mont in fason klèr ke ou doi jamé mèt out konjoin de koté, mé o kontrèr, i fo ke ou trouv bann moiyen pou rann out konjoin ereu (1 Korintien 10:24). Mont out konjoin ke ou la bezoin d’li é ke ou na laféksion pou li.

KOSA OU PE FÈR :

  • I fo ou pas souvan le tan avèk out konjoin é ke ou akord a li tout out latansion.

  • O lieu d’ramèn lé choz toultan « a moin » pans pluto di « nou ».

 2 PROTÈJ OUT KEUR

SÈK LA BIB I ANSÈGN : « Tout om ke i kontinu regard in madam de fason pou avoir in dézir pou èl, la komèt déja ladultèr dan son keur avèk èl » (Matieu 5:28). Si ou gard dann out tèt bann pansé ke lé pa prop, sé komsi ou lé pa fidèl out konjoin.

Jéova i di ke ou doi « protèj [out] keur » (Provèrb 4:23 ; Jérémi 17:9). Pou fé sa, i fo ke ou fé atansion sak ou regard (Matieu 5:29, 30). Suiv légzanp de Job, in chèf de fami ke la fé in « kontra » avèk son bann zieu de fason pou jamé regard in madam pou dézir a èl (Job 31:1). I fo ke dann out keur ou lé vréman désidé pou pa regard dutou la pornografi. É fé tout out posib pou pa fé nèt dann out keur okin santiman amoureu pou in not moun ke out konjoin.

KOSA OU PE FÈR :

  • Par out fason d’viv, mont tout domoun ke ou ièm vréman out konjoin.

  • Pran an kont sak li resan pou ou : si ou néna in frékantasion ki pouré jèn a li, arèt sa toutsuit.