Alé voir le kontenu

Alé voir le somèr

 LESON 5

Koman rès an pé avèk out fami

Koman rès an pé avèk out fami

« Abiy a zot [...] avèk la bonté, lumilité, la douseur é la pasians » (Kolosien 3:12).

Kan kèlkin i maryé li form in nouvo fami. Lé sur ke ou va toujour émé é réspèk out paran, mé asteur, le moun ki kont le plus pou ou, sé out konjoin. Petèt pou désèrtin dann out fami lé difisil admèt sa. Bann prinsip biblik i pe èd a ou pran bann bon désizion pou ariv rès an pé avèk out fami proch. Sa va èd a ou osi fé bann zéfor pou konstrui bann lien solid avèk out nouvo fami.

 1 KONSIDÈR BIEN OUT PARAN

SÈK LA BIB I ANSÈGN : « Onor out papa é out momon » (Éfézien 6:2). Kèlke soi laj ke ou néna, ou doi toujour onor é réspèk out paran. I fo ke ou admèt ke out konjoin, an tan ke garson ou fiy, li doi osi prann soin son bann paran. Puiske « lamour lé pa jalou », le kontak ke li néna avèk son fami i doi pa inkièt a ou (1 Korintien 13:4 ; Galat 5:26).

KOSA OU PE FÈR :

  • Évit fé bann remark ke désèrtin i fé, kom : « Out fami i kritik a moin toultan » oubien « Out momon i ièm jamé sak mi fé ».

  • Ésèy voir lé choz kom out konjoin i voi.

 2 RÈS FÈRM KAN I FO

SÈK LA BIB I ANSÈGN : « Lom va kit son papa é son momon é li va atach a li avèk son madam, é zot va devnir in seul chèr » (Jenèz 2:24). I pe arivé, mèm apré le maryaj ke out paran i pans èt toujour résponsab de ou. Alor banna i ve mèl a zot dann out vi plus ki fo.

Out konjoin é ou mèm i doi désid ansanm kèl limit zot paran i doi pa dépasé. Aprésa ésplik banna avèk jantiyès zot désizion. Ou pe dir lé choz franchman é dirèkteman, san èt tro dur (Provèrb 15:1). Lumilité, la douseur é la pasians va èd a zot avoir in lien aféktueu avèk zot fami é kontinué « suport a zot inn é lot dan lamour » (Éfézien 4:2).

KOSA OU PE FÈR :

  • Si ou trouv ke out paran i rant tro dann out vi, koz de sa avèk out konjoin kan zot i pas inn ti moman trankil.

  • Désid ansanm koman zot va fé pou règ problèm la.