Ia Iesu i te enua nei, kua akaperepere aia i te tangata, e kua akaatinga iaia uaorai no ratou. (Mataio 20:28; Ioane 15:13) Kare e roa atu ana, ka akaari akaou aia i tona akaperepere i te tangata na te taangaanga anga i tona mana ei Ariki no te Patireia o te Atua me “akakore aia i te tamaki e tae rava akenei ki te openga enua.”—Salamo 46:9.

 Akara akapeea te Pipiria te akakite anga i ta Iesu ka rave:

•   “Ko tei putaua ra me kapiki maira, nana ïa e akaora; e tei akaaka ra, e kare ona e tauturu. Ka akaperepere aia i tei apikepike ra e tei putaua, e akaora oki aia i te au vaerua o te aronga ao ra. Ka akaora aia i to ratou vaerua i te takinga-kino e te rotoriri ra.”—Salamo 72:12-14.

 Akapeea tatou me akaari e te āriki tikai ra tatou i ta Iesu i rave e ka rave no tatou? Na te apiianga i “te evangelia o te basileia o te Atua,” e ko te karere te reira tana i tutu aere. (Luka 4:43) Tatau i te atikara “Eaa te Patireia o te Atua?”