Te akataka maira te Pipiria ia Aramakito ei tamaki i rotopu i te au kavamani a te tangata e te Atua, kare e ka tupu ki tetai ua enua.

•   “E au vaerua demoni ratou, ko tei aere ki te ui ariki o te ao katoa nei, . . . e akaputuputu ia ratou i te tamaki i taua rā maata o te Atua mana katoatoa ra. . . . Kua akaputuputu iora ratou i tetai ngai, ko Aramagido te ingoa i te tuatua Ebera.”—Apokalupo 16:14, 16.

 Te kupu “Aramagido” no roto mai i te tuatua Epera Har Meghid·dohnʹ, te aiteanga “Maunga o Megido.” E oire a Megido i Iseraela taito. No reira tetai au tangata i irinaki ei e ka raveia te tamaki o Aramakito ki Iseraela. Inara, e ngai meangiti ua a Megido e tetai atu au ngai i te Middle East no te akaputuputu mai i “te ui ariki o te ao katoa nei” e to ratou au vaeau.

 Kua tataia te puka o Apokalupo ei mea “akakite,” me kore ei tuatua akatutuanga. (Apokalupo 1:1) Kare a Aramakito e tupu ki tetai ngai tika tikai, mari ra ka tupu te reira i teianei ao me akaputuputu mai te ao katoa i te tuatau openga no te patoi i te tutara a te Atua.—Apokalupo 19:11-16, 19-21.