Ezera 7:1-28
7 E I muri ake i teianei au tuatua, i te au o te ariki o Peresia o Aretekasaseta, ko Ezera te tamaiti a Seraia, te tamaiti a Azaria, te tamaiti a Hilikia,
2 Te tamaiti a Saluma, te tamaiti a Zadoka, te tamaiti a Ahituba,
3 Te tamaiti a Amaria, te tamaiti a Azaria, te tamaiti a Meraiota,
4 Te tamaiti a Zerahia, te tamaiti a Uzi, te tamaiti a Buki,
5 Te tamaiti a Abisua, te tamaiti a Phinehaza, te tamaiti a Eleazara, te tamaiti a Aarona taunga maata ra:
6 Mei Babulonia mai taua Ezera ra; e tata tuatua karape i te ture a Mose, i o maiia mai e te Atua o Iseraela e Iehova: e kua oronga maira te ariki i te au mea katoa tana i anoano ra, i tei tau ki te rima o tona Atua ra ko Iehova ki runga iaia.
7 Kua aere iora ki runga tetai pae i te tamariki a Iseraela, e to te kau taunga, e te ngati Levi, e te aronga imene, e te au tiaki ngutupa, e te au Netini, ki Ierusalema, i te itu o te mataiti ia Aretekasaseta ariki ra.
8 E kua tae aia ki Ierusalema i te rima o te marama, ko te itu ïa o to te ariki ra mataiti.
9 Tei te ramua oki o te marama okotai ra tona aerenga mai mei Babulonia mai, e tae akera ki te ra okotai o te marama rima ra i tae ei aia ki Ierusalema, i tei tau ki te rima takinga-meitaki o tona Atua i runga iaia.
10 Kua akonokono ua ana oki a Ezera i tona ngakau e kimi, e e rave, i te ture a Iehova, e apii oki ia Iseraela i te au akonoanga e te au tuatua-tau.
11 Teia te tu o te leta i orongaia mai e te ariki ra e Aretekasaseta kia Ezera taunga ra, te tata tuatua, e tata i te au tuatua i akaueia mai e Iehova, e tana katoa au akonoanga, kia Iseraela:
12 Ko Aretekasaseta, ariki no te au ariki ra, kia Ezera taunga ra, e tata i te ture a te Atua no te rangi nei, kia ora ana, e koia ua atu rai.
13 Teia taku ture e akatupu nei, ko ratou te tangata ravarai o Iseraela, e te kau taunga nana, e te au ngati Levi, i toku nei enua, kia anoano ua i te aere ki runga ki Ierusalema, e aru ratou ia koe:
14 No te mea kua tonokia koe e te ariki, e nga tumu korero nona toko itu nei, kia ui koe i Iuda e Ierusalema, i te ture a to Atua tei to rima na;
15 E kia apai oki i te ario e te auro, i ta te ariki e ta te aronga tumu korero nona ra i apai ua atu ki te Atua o Iseraela, tei Ierusalema tona nooanga.
16 E te au ario e te au auro katoa e rauka ia koe i te enua katoa nei i Babulonia, e te apinga oronga ua a te tangata nei, e ta te kau taunga, i apai ua no te are o to ratou Atua i Ierusalema:
17 E rave koe i taua moni ra e oko vave i te au puakatoro, te au mamoe toa, te au punua mamoe, e to reira atinga kai, e te atinga inu katoa no reira, ka apai ei ki runga i te atarau i te are o to kotou Atua i Ierusalema ra.
18 E te toenga o te ario, e te auro, ko taau e maara, e te au taeake noou ra, e rave i taua mea ra, ko te rave ïa, kia tau ki te anoano o to kotou Atua.
19 E te au āriki oki i orongaia atu kia koe ra no te angaanga i te are o to Atua, e tuku i te reira ki mua i te aroaro o te Atua i Ierusalema.
20 E te toe ra tetai mea e tau no te are o to Atua, e tei tau ia koe kia oronga atu, kia orongaia mei roto i te are vairanga apinga a te ariki ra.
21 Ko au, ko te ariki nei ko Aretekasaseta, te akatupu nei au i tetai ture ki te au tiaki apinga katoa i tera pae vai, e rave kotou i tenana i ta Ezera taunga, te tata i te ture a te Atua no te rangi, e umuumu atu ia kotou na,
22 E tae ua atu ki te taleni ario okotai anere, e te kora sitona okotai anere, e te bato wina e kia okotai anere, e te bato inu e kia okotai anere, e te tai oki auraka e akono i te maata.
23 E tei ikuikuia mai e te Atua o te rangi ra, kia rave vivikiia ïa no te are o te Atua no te rangi ra: eaa oki i vaooiaʼi te riri i te enua o te ariki nei e tana au tamariki?
24 E te akakite atu nei oki matou kia kotou, kare e tau ki te ture, kia tuku i te telo, te taūnga, e te au peu, ki runga i te kau taunga, e te au ngati Levi, te aronga imene, te au tiaki ngutupa, te au Netini, e te aronga i rave i te angaanga i taua are o te Atua ra.
25 E ko koe oki e Ezera, i te pakari oki o to Atua, i roto i to rima ra, e akataka koe i te aronga akava, e te tutara, kia akava ratou i te au tangata i tera pae vai; te aronga oki i kite i te au ture a to Atua; e apii atu oki ia ratou i tei kore i kite ra.
26 E te tangata kare e akono i te ture a to Atua, e te ture a te ariki, kia akautunga vaveia atu ïa, i te mate ra, e te tuaru ra, e te noni ra, e te tapeka ra.
27 Kia akameitakiia te Atua o to tatou ai metua ko Iehova, ko tei tuku mai i teia manako ki roto i te ngakau o te ariki, e akamanea i te are o Iehova i Ierusalema:
28 E kua akatupu i te takinga-meitaki iaku i mua i te ariki, e tona ra au tumu korero, e te aronga mana katoa i o te ariki ra. Maroiroi akera oki au, no te mea tei runga iaku te rima o toku Atua ra o Iehova; e kua akaputuputu iora oki au i te aronga mamaata o Iseraela kia aere katoa i taua tere noku ra.