Ezera 10:1-44
10 E OTI akera te pure a Ezera, e kua aaki aia i te ara, ma te aue e ma te tipapa ua ki raro ki mua i te are o te Atua, kua akaputuputu maira kiaia no roto ia Iseraela ra tetai uipa anga maata ua atu, te tane e te vaine, e te tamariki: e aue maata oki to te tangata.
2 Kua tuatua mairā Sekania te tamaiti a Iehiela, no te au tamariki a Elama, kua na ko maira kia Ezera, Kua ara matou i to matou Atua, kua rave i te au vaine ke no te tangata o te enua nei; e teianei, te vai nei rai te manakoanga no Iseraela i taua mea nei.
3 E teianei, e papau ana tatou i te koreromtou ki to tatou Atua, e tuku ke atu i taua au vaine katoa nei, e ta ratou au tamariki, taau i tuatua na, e taku pu, e ta te aronga katoa e rutetetete i te akauenga a to tatou Atua; e kia akaperaia ïa mei te tau i te ture ra.
4 Ka tu; e tau oki teianei tuatua ia koe: e na matou koe e tauturu atu: e akamaroiroi, e rave.
5 Kua tu akerā Ezera, kua tuku atura te taputou ki tei mamaata i te kau taunga ra, te ngati Levi, e kia Iseraela ravarai, e akapera ratou i taua tuatua ra. Kua taputou iora ratou.
6 Kua tu mai a Ezera mei mua mai i te are o te Atua ra, e kua aere atura ki roto i te pia o Iohanana te tamaiti a Eliasiba: e tae atura ki reira, kare i kai i te kai, kare i inu i te vai: te aue ra oki aia i te ara a te aronga i apai keia ra.
7 Kua akakite aere atura ratou i te tuatua ki to Iuda, e Ierusalema, ki te au tamariki katoa no te tuikaa anga ra, kia akaputuputu mai ratou ki Ierusalema;
8 E te kore e tae maira e po toru akera, i te tuatua a te ui mataiapo e te aronga pakari ra, ka riro tana apinga katoa, e ka akataka keia aia uaorai i te uipa anga o taua aronga ia apai keia ra.
9 Kua putuputu maira to Iuda ravarai e to Beniamina ki Ierusalema i taua po toru ra. Tei te iva o te marama, tei te takau okotai o te rā i taua marama ra; te noo ua ra te au tangata katoa i roto i te ngai atea o te are o te Atua, te rutetetete ra i taua mea ra, e te ua maata.
10 Kua tu akera te taunga ra ko Ezera ki runga, e kua karanga atura kia ratou, Kua ara kotou, e kua rave i te au vaine ke, i maataʼi te ara i Iseraela.
11 E tenana, ka aaki i ta kotou ara ki te Atua o to kotou ai metua ra kia Iehova, e rave oki i tei tau iaia; e akataka ke oki ia kotou uaorai i te au tangata o te enua nei, e teianei au vaine ke.
12 Kua tuatua maira taua uipa anga katoa ra, na ko maira, ma te reo maata, Ko taau rai i tuatua maira, kua tika ia matou kia rave.
13 Te maata nei rai te tangata, e tuatau ua maata oki teia, kare matou e tika kia noo ua ki vao, kare oki teia i te angaanga no te rā okotai e te rua; e manganui oki matou i rave i taua ara nei.
14 E akataka ana ra te aronga maata katoa i to matou nei uipa anga, e aere mai oki te aronga katoa i to matou nei au oire, i rave i te vaine ke ra, i te tuatau i akonoia ra, e te aronga pakari katoa no te au oire ravarai, e to reira au akava, kia ruri keia te riri maata o to tatou Atua ia tatou nei i taua ara ra.
15 Ko Ionatana te tamaiti a Asahela anake ra, e ko Iahazia te tamaiti a Tikeva, tei rave i taua angaanga ra: e ko Mesulama, e ko Sabetai ngati Levi, te tauturu ia raua.
16 E kua akapera te au tamariki i tuikaaia ra. Kua akatakaia iora te taunga ra ko Ezera, e tetai pae i taua aronga mataiapo tutara ra, i te ngutuare o to ratou ai metua ra, kua akakiteia i te ingoa, noo iora ratou ki raro i te rā okotai i te marama okotai ngauru e kimi i taua tuatua ra.
17 E tae akera ki te rā mua i te marama mua ra, ope rava akera te au tangata i rave i te vaine ke ra.
18 Kitea iora to roto i te au tamariki a te kau taunga ra, i tei rave i te vaine ke ra: to te au tamariki a Iesua, te tamaiti a Iozadaka, e tona ai taeake; ko Maaseia, e ko Eliezera, e ko Iariba, e ko Gedalia.
19 Kua oronga maira ratou i to ratou rima e tuku ke ratou i ta ratou au vaine: e no mea kua ara, kua apai ratou i tetai mamoe toa no roto i te anana no ta ratou ara.
20 E to te au tamariki a Imera ra; ko Hanani, e ko Zebadaia.
21 E to te au tamariki a Harima ra; ko Maaseia, e ko Elia, e ko Semaia, e ko Iehiela, e ko Uzia.
22 E to te au tamariki a Pasahura; ko Elioenai, ko Maaseia, ko Isemaela, ko Netaneela, ko Iozabada, e ko Elasa.
23 To te ngati Levi katoa; ko Iozabada, e ko Simei, e ko Kelaia, koia oki ko Kelita, ko Petaia, ko Iuda, e ko Eliezera.
24 E to te aronga imene katoa; ko Eliasiba: e to te au tiaki ngutupa; ko Saluma, e ko Telema, e ko Uri.
25 E to Iseraela katoa ra: to te au tamariki a Parosa; ko Ramia, e ko Iezia, e ko Malekia, e ko Miamina, e ko Eleazara, e ko Malekia, e ko Benaia.
26 E to te au tamariki a Elama; ko Matania ko Zekaria, e ko Iehiela, e ko Abadi, e ko Ieremota, e ko Elia.
27 E to te au tamariki a Zatu; ko Elioenai, ko Eliasiba, ko Matania, e ko Ieremota, e ko Zabadi, e ko Aziza.
28 E to te au tamariki a Bebai; ko Iehohanana, ko Hanania, ko Zabai, ko Atalai.
29 E to te au tamariki a Bani; ko Mesulama, ko Maluka, e ko Adaia, ko Iasuba, e ko Seala, e ko Ramota.
30 E to te au tamaraiki a Panata-moabi; ko Adana, e ko Kelala, ko Benaia, ko Maaseia, ko Matania, ko Bezaleela, e ko Binui, e ko Manase.
31 E to te au tamariki a Harima; ko Eliezera, ko Isiia, ko Malakia, ko Semaia, ko Simeona,
32 Ko Beniamina, ko Maluka, ko Samaria.
33 To te au tamariki a Hasuma; ko Matenai, ko Matata, ko Zabada, ko Elipheleta, ko Ieremai, ko Manase, ko Simei.
34 To te au tamariki a Bani; ko Maadai, ko Amerama, e ko Uela.
35 Ko Benaia, ko Bedeia, ko Kelu.
36 Ko Vania, ko Meremota, ko Eliasiba,
37 Ko Matania, ko Matenai, e ko Iaasau,
38 E ko Bani, e ko Binui, ko Simei,
39 E ko Selemaia, e ko Natana, e ko Adaia,
40 Ko Makenadebai, Ko Sasai, ko Sarai,
41 Ko Azareela, e ko Selemia, ko Semaria,
42 Ko Saluma, ko Amaria, ko Iosepha.
43 To te au tamariki a Nebo; ko Ieiela, ko Matitia, ko Zabada, ko Zebina, ko Iadau, e ko Ioela, ko Benaia.
44 E vaine ke anake ta teianei aronga: e tetai pae o ratou, kua anau ta ratou tamariki i taua au vaine ra.