Neke ki te tumu manako rikiriki

Neke ki te ngai o te au tumu tuatua

 ORAANGA KERITITIANO

Akamaata Atu i to Tatou Karape i te Tutu Aere—Kia Rauka ua i te Taui

Akamaata Atu i to Tatou Karape i te Tutu Aere—Kia Rauka ua i te Taui

EAA I PUAPINGA AI: Te pati nei te au taeake akatainuia e te au mamoe ke i te au tu tangata ravarai kia “rave ua mai aia i te vai ora.” (Apo. 22:17) Akatutu maira teia vai i te au mea katoatoa ta Iehova i oronga mai no te akaora i te au tangata akarongo mei te ara e te mate. E rauka ai i te tauturu i te au tangata e tukeke ta ratou au peu e te akonoanga, ka anoanoia tatou kia oronga i te “evangelia mutu kore” na roto i te tu kia inangaro mai ratou i te reira.—Apo. 14:6.

PEEA ME RAVE I TE REIRA:

  • Iki i tetai tumu manako e te irava te ka akakeu i te ngakau o te tangata i toou ngai. E iki i tetai manako no te uriuri mei te puka angaanga no te uipaanga me kore tetai apinga kua taangaanga ana koe. Eaa te au tumu manako e te au irava e reka ana te tangata? E nuti ou ainei ta ratou e tuatua aere ra? Eaa te au manako tau no te uriuri ki tetai tane me kore ki tetai vaine?

  • I roto i taau uriurianga, e kapiti mai i te au aravei anga e te au peu tei matauia i toou ngai.2 Kori. 6:3, 4

  • Kia kite koe eaa te au puka e te au vitio i roto i taau Au Apinga Apii no te akaari ki tetai tei inangaro i te tuatua mou

  • Kopi mai i te au apinga i roto i te reo o te tangata taau ka aravei i toou ngai

  • Taui i te tumu manako kia tau ki te pu ngutuare. (1 Kori. 9:19-23) Ei akaraanga, eaa taau ka tuatua me kite koe e koi mate ua ake nei tetai akaperepere o te pu ngutuare?

AKARA I TE VITIO, E OTI E PAU I TEIA AU UIANGA:

  • Eaa te tumu manako ta te papuritia i akamata i te uriuri ki te pu ngutuare?

  • Eaa te turanga o te pu ngutuare?

  • Eaa te irava meitaki ka tau i te reira taime e no teaa ra?

  • Akapeea koe me taui i taau uriurianga kia reka mai te tangata i toou ngai?