Neke ki te tumu manako rikiriki

Neke ki te ngai o te au tumu tuatua

 ORAANGA KERITITIANO

Kua Puapingaia Ainei Koe Mei te Akara Matatio i te Tuatua Tapu i te au Rā?

Kua Puapingaia Ainei Koe Mei te Akara Matatio i te Tuatua Tapu i te au Rā?

Ko te tatau ainei i te tia mei roto i te Akara Matatio i te Tuatua Tapu i te au Rā, tetai mea e rave ana koe i te au rā ravarai? Me kare koe e pera ana, ka rauka ainei ia koe te rave i te reira? Maata te tangata e tatau ana i te tia i te popongi kia rauka ia ratou i te akamaara i te reira me rave i ta ratou au angaanga. (Iosu. 1:8; Sala. 119:97) Akapeea koe e puapinga maata atu ei mei te tatauanga i te tia? Tatau i te katoaanga o te pene o te irava, kia kite i te manako maata. Akamanako i tetai au tua i roto i te Pipiria te akatutu maira i te kaveinga i roto i te tia. E oti, taangaanga i taua kaveinga ra i roto i toou uaorai oraanga. Me akatumuia taau ikianga ki runga i te tuatua a te Atua, ka arataki te reira i toou oraanga, e ka puapingaia koe.—Sala. 119:105.

I te au popongi ravarai, e uriuri ana te au taeake i Betela takapini i teianei ao i te tia. I teia nga mataiti i topa, kua tukuia mai teia au uriurianga ki runga i te JW Broadcasting® i roto i te tuanga AU POROKARAMU E TE TUPUANGA MAATA. Eaa te taime openga i akara ei koe i teia au uriurianga? Penei kua tau tetai o te reira noou. Ei akaraanga, akapeea te tua o Lota i te tauturu anga ia koe kia rave i te au ikianga tau?

AKARA I TE VITIO AURAKA E ANOANO I TEIANEI AO (1 IOA. 2:15), E OTI PAU I TEIA AU UIANGA:

  • Kua akatumuia teia Akamorianga Popongi ki runga i teea kaveinga Pipiria?

  • Akapeea te tua o Lota te akaari anga mai i te kino o te anoano i teianei ao e te au apinga o teianei ao?—Gene. 13:12; 14:12; 19:3, 12, 13, 24-26

  • Akapeea tatou me akaari e te inangaro ra tatou ia Iehova e kare i teianei ao e te au apinga o teianei ao?

Akapeea au me akaari i te au rā katoa e te akaperepere ra au i te Tuatua a Iehova?