Neke ki te tumu manako rikiriki

Neke ki te ngai o te au tumu tuatua

 ORAANGA KERITITIANO

Eaa ta te Pipiria ka Apii Mai ia Tatou?​—Akapeea me Taangaanga

Eaa ta te Pipiria ka Apii Mai ia Tatou?​—Akapeea me Taangaanga

Aiteite te puka Teach Us ki te puka ta te Pipiria e Apii Maira. Aiteite te apiianga e te oronga anga i te tuatua mou. Māmā ua te au tuatua e te aerenga manako o te puka Teach Us. Tataia no te aronga e ngatā ra ia ratou kia mārama i te puka, ta te Pipiria e Apii Maira. Kare e appendix o te puka Teach Us, e au manako poto ra to roto, i te akamārama mai i tetai au tuatua e te au kaveinga. Kare e au uianga i te akamataanga o te au pene, e kare e pia no te uriuri akaou. Taopenga te reira ki tetai akamāramaanga poto i te manako o te Pipiria i roto i te apii. Ka tau kia oronga i te puka Teach Us i tetai ua atu taime. Akapeea tatou me taangaanga i tetai au tuanga puapinga o te puka Teach Us me rave i tetai apii Pipiria?

AKAMĀRAMAANGA POTO: No te maataanga o te tangata, te tu matauia me apii, tatau i te parakarapa o te puka ta te Pipiria e Apii Maira e oti ui te uianga. Akapeea me kare te tangata apii i matau i te reo me kore kare e kite meitaki i te tatau. Penei ka iki koe i te puka Teach Us. E oti taangaanga i te au akamāramaanga poto o tetai pene no te apii penei ka akamaroiroiia te tangata apii kia tatau i te pene katoa koia anake ua. Ka tau ua kia apii i tetai tumu manako Pipiria i roto i te 15 miniti. No te mea kare te au manako ravarai i kapitiia ki roto i te au akamāramaanga poto, e akapapa meitaki te puapii ma te akamanako i te ka anoanoia no te tangata apii. Me ka raveia te apii mei roto i te pene apii, e taangaanga aia i te au akamāramaanga poto no te uriuri akaou.

AU MANAKO POTO: Te au tuatua e te au kaveinga i roto i te au manako poto, kua akanooia kia tau ki te tuanga maata o te pene apii. Tei runga i te puapii me ka uriuri i te au manako poto i roto i te puka Teach Us i te taime o te apii.