Neke ki te tumu manako rikiriki

Neke ki te ngai o te au tumu tuatua

 ORAANGA KERITITIANO

“Ta te Atua i Topiri ra . . . ”

“Ta te Atua i Topiri ra . . . ”

I roto i te Ture a Mose me ka akaruke tetai tane i tana vaine akaipoipo, ka anoanoia aia kia tata i tetai akakiteanga tei akamanaia kia akaruke i tana vaine. Kua riro teia ei akamou i te aronga akaipoipo kia kore e tatara. Inara i to Iesu tuatau, kua maani te au arataki akonoanga kia māmā ua i tetai ua atu i te akaruke i tona tokorua akaipoipo. Ka rauka i tetai tane i te tatara i tana vaine kia tau ki tona anoano. (au mea ke mai roto i te nwtsty no runga ia Mare. 10:4, 11) Akakite a Iesu e na Iehova i akamou i te akaipoipo. (Mare. 10:2-12) Ka riro tetai tane e te vaine ei “kopapa okotai” e mutu kore ua atu. Te ravenga ua e tatara ai tetai, te akakite ra a Mataio, me “akaturi” tetai o te nga tokorua akaipoipo.—Mata. 19:9.

I teia tuatau kare te manganui o te tangata e akamanako ana i te akaipoipo mei ta Iesu rai, inara mei ta te au Pharisea. Me tupu ake te manamanata, viviki te tangata o teianei ao i te tatara i tona tokorua. Inara ki te au Kerititiano mou, e mea puapinga te akaipoipo kia ratou e ka tauta ratou i te kopae i te au manamanata na te aruanga i te au kaveinga Pipiria. Me oti i te akara i te vitio Ka Taokotai te Aroa e te Akangateitei i te Ngutuare, e pau i teia au uianga:

  • Akapeea koe me aru i te kaveinga i roto ia Maseli 15:1 no toou oraanga akaipoipo, e no teaa ra i puapinga ai?

  • Akapeea a Maseli 19:11 me tauturu ia koe kia kopae i te au manamanata?

  • Me tupu te manamanata i roto i te oraanga akaipoipo, eiaa e manako e, ‘Ka tatara ainei maua ko toku tokorua?’ eaa te au uianga ka akamanako koe?

  • Akapeea koe e riro mai ei ei tane meitaki me kore ei vaine meitaki me taangaanga ia Mataio 7:12?