Neke ki te tumu manako rikiriki

Neke ki te ngai o te au tumu tuatua

 ORAANGA KERITITIANO

Akamaata Atu i to Tatou Karape te Tutu Aere​—Tauturu i te Aronga Apii Pipiria Kia Akatupu i ta Ratou Akatapuanga e Kia Papetito

Akamaata Atu i to Tatou Karape te Tutu Aere​—Tauturu i te Aronga Apii Pipiria Kia Akatupu i ta Ratou Akatapuanga e Kia Papetito

TUMU I PUAPINGA AI: Kia mareka mai Iehova ka anoanoia te aronga apii i te Pipiria kia akatapu i to ratou oraanga kiaia e kia papetitoia. (1 Pete. 3:21) Ka paruruia i reira te akarongo o te aronga tei akarotai i to ratou oraanga ki to ratou akatapuanga. (Sala. 91:1, 2) Ka akatapu te Kerititiano i tona oraanga kia Iehova, kare ki tetai tangata, kare ki tetai angaanga me kore ki tetai akaaerenga. No reira ka anoanoia te aronga apii i te Pipiria kia akatupu i te inangaro e te tu āriki rekareka no te Atua.​—Roma 14:7, 8.

PEEA ME RAVE I TE REIRA:

  • Taime o te apii, uriuri eaa ta te apii e akaari maira no runga ia Iehova. Akaketaketa i te puapinga o te tatau te Pipiria i te au rā ravarai e te pure ua rai.”​—1 Tesa. 5:17; Iako. 4:8

  • Akamaroiroi i te tangata apii kia akatupu i tona akakoroanga no te akatapu i tona oraanga kia Iehova e kia papetitoia. Tauturu iaia kia rave i te au mea mei te paupau i ko i te uipaanga, te akakite i te tuatua mou ki te taeake e te au oa angaanga. E akamaara e kare a Iehova e marō ana i te tangata kia tavini iaia. Toou akatapuanga, naau uaorai te reira ikianga.​—Deu. 30:19, 20

  • Akamaroiroi iaia kia akarotai i tona oraanga ki tana e apii ra kia mareka a Iehova e kia tau aia no te papetito. (Mase. 27:11) No te mea kua matau ua aia i teia au peu e te au tu, penei ka anoanoia kia tauturu ua atu rai i te tangata apii kia akaruke i te tu taito e kia aru i te tu ou. (Ephe. 4:22-24) Tatau korua i te au atikara “Taui te Pipiria i te Oraanga,” i roto i Te Punanga Tiaki.

  • Akakite kiaia te mataora taau i kite i te tavini anga ia Iehova.​—Isa. 48:17, 18