Neke ki te tumu manako rikiriki

Neke ki te ngai o te au tumu tuatua

 ORAANGA KERITITIANO

Tutu Aere e te Apii​—Meitaki ei Akariro i te Tangata ei Pipi

Tutu Aere e te Apii​—Meitaki ei Akariro i te Tangata ei Pipi

Akaue a Iesu i tana au pipi kia aere e akariro i te tangata ei pipi katoa. (Mata. 28:19) Te ō maira te tutu aere e te apii. I te au taime ravarai, e ui kia tatou uaorai, ‘Akapeea au me akamaata atu i taku tuanga no te akariro i te tangata ei pipi?’

TUTU AERE

Eiaa tatou e tiaki kia aere mai te tangata, ka aere tatou ka kimi i te “tangata e tau.” (Mata. 10:11) Me piri tatou ki roto i teia angaanga, te kite ra ainei tatou i tetai tuatau kia tuatua ki te tangata taau ka aravei? (Anga. 17:17) No te angaanga tutu aere a Paulo kua riro mai a Ludia ei pipi.—Anga. 16:13-15.

“Ei te popongi ka ruru ei i taau ua, e ei te aiai auraka e tāpu ua i to rima” (Kohe. 11:6)

AKARA I TE VITIO TUTU AERE MA TE ‘KORE E TUKUA’—TETAI UA ATU TAIME E I TERA ARE I TERA ARE, E OTI PAU I TEIA AU UIANGA:

  • Mei tana i matau i te rave, akapeea a Samuel te akaarianga e te rave tamou ra aia i te angaanga tutu aere?

  • Eaa ra tatou ka rave ei i te au ravenga tuke ke o te tutu aere?

  • Ka akakite koe kiaai i te nuti meitaki o te Patireia i te au rā?

APII

Te akariro i te tangata ei pipi, e maata atu ta tatou ka rave i te akaruke ua i tetai puka na ratou. Kia maata atu to ratou inangaro i te apii, ka anoanoia kia oki ua rai tatou kia atoro e te rave i tetai apii Pipiria. (1 Kori. 3:6-9) Akapeea ra me kare taau tautaanga i te apii ia ratou e puapingaia? (Mata. 13:19-22) Kia kimi ua atu rai tatou i te aronga tei tika te ngakau i roto “i te ngai one meitaki ra.”—Mata. 13:23; Anga. 13:48.

“Naku oki i tanu, na Apolo i tamauu ki te vai; na te Atua ra i akatupu” (1 Kori. 3:6)

AKARA I TE VITIO TUTU AERE MA TE ‘KORE E TUKUA’—TE NGAI TANGATA E TE AKARIRO I TE TANGATA EI PIPI, E OTI PAU I TEIA AU UIANGA:

  • Akapeea a Solomon e Mary te akatupuanga i te tuatua mou ki roto i te ngakau o Ezekiel e Abigail?

  • Eaa to tatou akakoroanga no te tutu aere, e pera te tutu aere i te ngai tangata?

  • Akapeea tatou me akameitaki atu i te tu o te apii i tetai ke?