Neke ki te tumu manako rikiriki

Neke ki te ngai o te au tumu tuatua

 ORAANGA KERITITIANO

Akamaroiroi i te au Taeake Tei Paruparu te Akarongo

Akamaroiroi i te au Taeake Tei Paruparu te Akarongo

A te Ruirua, Aperira 11, e maata te au taeake tei paruparu te akarongo te ka tae mai ki te Akamaaraanga. Kua akamata ratou i teia oro anga no te ora mutu kore, inara kua paruparu ratou no tetai au tumu tuke ke, e kua taikuia tetai o teia i roto i te poroutia Return to Jehovah. (Ebe. 12:1) E mea akaperepere na Iehova teia aronga, no te mea kua okoia ratou ki te toto o tana Tamaiti. (Anga. 20:28; 1 Pete. 1:18, 19) Akapeea tatou me tauturu ia ratou kia oki mai ki te putuputuanga?

Ka kimi e ka tauturu te aronga pakari i te au taeake tei paruparu to ratou akarongo, mei tetai tiaki mamoe rai e kimi ra i te mamoe tei aere ke mei te anana. (Luka 15:4-7) Te akaari maira teia i to Iehova tu aroa takinga meitaki. (Iere. 23:3, 4) Ka rauka ia tatou pouroa, kare ko te aronga pakari ua, te akamaroiroi i teia aronga. Ka mareka mai a Iehova me akaari tatou i te tu takinga meitaki e te aroa e ka mareka katoa tatou. (Mase. 19:17; Anga. 20:35) No reira, e akamanako koai taau ka rauka i te akamaroiroi, e oti e rave viviki atu i te reira!

AKARA I TE VITIO AKAMAROIROI I TE AU TAEAKE TEI PARUPARU TE AKARONGO, E OTI URIURI I TE AU UIANGA KA ARU MAI:

  • Eaa ta Abbey i rave te aravei anga aia i tetai Kite o Iehova noatu kare aia i kite meitaki iaia?

  • Eaa i anoanoia ai kia aravei tatou i te aronga pakari me ka inangaro koe te tauturu i tetai tei paruru tona akarongo?

  • Eaa ta Abbey i rave i te akapapa atu iaia no te aravei akaou ia Laura?

  • Akapeea a Abbey te akaari anga i te tu oaoa, akakoromaki e te aroa i te akamaroiroi anga ia Laura?

  • Eaa ta tatou ka apii mai mei te akatutuanga a Iesu i roto ia Luka 15:8-10?

  • Eaa te au akameitakianga tei rauka mai no te tautaanga a te katoatoa i te tauturu ia Laura?