Neke ki te tumu manako rikiriki

Neke ki te ngai o te au tumu tuatua

 APIIANGA 2

Ko te Atua te Oa Meitaki Tikai te ka Rauka ia Koe

Ko te Atua te Oa Meitaki Tikai te ka Rauka ia Koe

Te riro anga mai ei oa no te Atua ko te apinga meitaki tikai ia te ka tupu kia koe. Ka apii te Atua ia koe e akapeea e mataora ei e te tinamou; ka akarangatira aia ia koe mei te au irinaki anga tarevake e te au rave anga kino e manganui. Ka akarongo mai aia i taau au pure. Ka tauturu aia ia koe kia rekareka i te au i roto roa e te irinaki papu. (Salamo 71:5; 73:8) Ka turu te Atua ia koe i te au tuatau manamanata. (Salamo 18:18) E te oronga atu nei te Atua kia koe i tana apinga aroa te ora mutu kore.—Roma 6:23.

Ia koe e akavaitata ra ki te Atua, ka vaitata rai koe ki te au oa o te Atua. Ka riro mai ratou ei oa noou. Te tika, ka riro ratou mei te au tungane e te au tuaine kia koe. Ka mataora ratou i te apii kia koe no runga i te Atua e ka tauturu ia koe e ka akamaroiroi ia koe.

Kare tatou i aiteite ki te Atua. Ia koe e kimi ra i to te Atua pirianga oa, kia marama koe i tetai tumu puapinga. Te pirianga oa ma te Atua kare ia i te pirianga oa i rotopu i te au tangata aiteite. E maata atu aia e te pakari atu e e ririnui atu ia tatou. Koia to tatou Tutara tau. No reira me ka inangaro tatou kia riro ei oa nona, kia akarongo tatou kiaia e kia rave i tana i akakite mai ia tatou kia rave. Ka meitaki teia no tatou.—Isaia 48:18.