Neke ki te tumu manako rikiriki

Neke ki te ngai o te au tumu tuatua

 APII 16

Eaa te Angaanga a te au Tavini Orometua?

Eaa te Angaanga a te au Tavini Orometua?

Myanmar

Tuanga o te uipaanga

Pupu tutuanga

Akono i te Are Uipaanga Patireia

Te akataka maira te Pipiria e rua pupu tangata Kerititiano te akono ra i te au angaanga a te putuputuanga—‘au akaaere e te au tavini orometua.’ (Philipi 1:1, NW) E au tangata pakari e te au tavini orometua tetai e tavini ra i roto i te putuputuanga tataki tai. Eaa te angaanga a te au tavini orometua e rave ra kia puapingaia matou?

Tauturu ra ratou i te pupu aronga pakari. E pirianga ketaketa to te au tavini orometua maroiroi e te tiratiratu kia Iehova, tetai ia ratou e au mapu, e tetai e aronga pakarikari. E rave ana ratou i te au angaanga puapinga te tau ra no te putuputuanga e no te Are Uipaanga Patireia. Te akatika ra teia i te aronga pakari kia akamou i te manako ki ta ratou au angaanga apiianga e te angaanga tiaki.

Rave ra ratou i te au angaanga tau. Kua ikiia tetai au tavini orometua kia ariki mai i te aronga ka aere mai ki te au uipaanga. Kua ikiia tetai pae kia akono i te au apinga akatangi, kia oronga i te au puka, e kia akono i te moni e te pira a te putuputuanga, e te oronga anga i te ngai tutuanga a te au mema o te putuputuanga. Ka tauturu katoa ratou i te akono i te Are Uipaanga Patireia. Penei ka pati te aronga pakari ia ratou kia akanoo i tetai ravenga ei tauturu i te aronga pakarikari. Noatu eaa te apainga ka orongaia ki te au tavini orometua, me rave ratou i teia ma te inangaro puareinga tikai, ka akangateiteiia ratou e te katoatoa.—1 Timoteo 3:13.

Akanoo ratou i te akaraanga meitaki ei au Kerititiano. Kua ikiia te au tavini orometua no to ratou au tu meitaki ei Kerititiano. Me rave ratou i ta ratou au tuanga o te uipaanga, ka akaketaketa mai ratou i to matou akarongo. Me rave ratou i te arataki anga i roto i te angaanga tutuanga, ka akakeu ratou ia matou kia maroiroi. No to ratou inangaro i te angaanga kapiti ki te pupu o te aronga pakari, te akatupu ra ratou i te tu mataora e te tu taokotai. (Ephesia 4:16) Kare e roa, ka tau ratou kia tavini ei aronga pakari.

  • Eaa te tu o te au tavini orometua?

  • Akapeea te au tavini orometua me tauturu i te putuputuanga kia angaanga meitaki?