Neke ki te tumu manako rikiriki

Neke ki te ngai o te au tumu tuatua

 APII 24

Akapeea ta Matou Angaanga te Tutakiia Anga?

Akapeea ta Matou Angaanga te Tutakiia Anga?

Nepal

Togo

Peritane

E nenei e e tua aere ana ta matou akaaerenga e mirioni ua atu au Pipiria e tetai au puka i te au mataiti ravarai ma te kore e tutaki. E akatu e e akono ana matou i tetai au Are Uipaanga Patireia e te au opati manga. E turuturu ana matou i te aronga i Betela e te au mitinari, e e oronga tauturu ana matou i te au tuatau tumatetenga. Penei te manako ra koe e, ‘Akapeea teia au mea ravarai te tutakiia anga?’

Kare matou e rave ana i te tuanga ngauru o te moni, koi moni aere ana, me kore e pati aere ana i te mereki moni. Noatu e aka moni te pou ana i te turuturu i ta matou angaanga evangeria, kare ra matou e patipati moni aere ana. Mei tetai anere tuma mataiti i topa, kua akakite mai te rua o te itiu o te makatini te Watchtower e te irinaki nei matou e na Iehova e turuturu mai ana ia matou e “kare rava [matou] e patipati aere e kare katoa e pati atu ki te au tangata kia tauturu mai”—e kare rai matou e rave ana i te reira!—Mataio 10:8.

Na te au moni tauturu oronga ua e turuturu mai ana i ta matou angaanga. Maata te au tangata tei ariki mai i ta matou angaanga apii Pipiria e kua oronga mai i tetai moni tauturu. E oronga mataora mai ana te Au Kite i to ratou uaorai taime, maroiroi, e te moni tauturu, e tetai atu au apinga no te rave anga i to te Atua anoano i te ao katoa. (1 Paraleipomeno 29:9) I ko i te Are Uipaanga Patireia e ta matou au akaputuputuanga e te au uruoaanga, te vai ra te au pia akaputuanga moni no te aronga te inangaro ra i te oronga mai i tetai moni tauturu. Me kore ka rauka i te tuku i te moni tauturu na roto i ta matou website jw.org. Maataanga o te taime, e oronga mai ana te au tangata kare e maata ana te moni, mei te vaine takaua apinga kore rai ta Iesu i tuatua meitaki ana no tei tuku i te nga moni meangiti ki roto i te pia moni o te iero. (Luka 21:1-4) No reira ka rauka i tetai tangata i te akapae putuputu “i tetai papaki moni” ei oronga anga mei “tana i akakoro i roto i tona ngakau.”—1 Korinetia 16:2; 2 Korinetia 9:7.

Te irinaki nei matou e ka akakeu ua rai a Iehova i te au ngakau o te aronga te inangaro ra i te ‘akangateitei iaia ma ta ratou au apinga’ i te turuturu mai i te angaanga Patireia kia akatupuia tona anoano.—Maseli 3:9.

  • Eaa ra ta matou akaaerenga i tuke ei mei tetai atu au akonoanga?

  • Akapeea te au moni tauturu oronga ua me taangaangaia?