Neke ki te tumu manako rikiriki

Koai Tikai te Akatere ra i Teianei Ao?

Koai Tikai te Akatere ra i Teianei Ao?

I toou manako ko . . .

  • te Atua?

  • te tangata?

  • Satani?

 AKAKITE RA TE PIPIRIA E

“Te vai ua nei rai to te ao ravarai i raro ake i taua vaerua kino ra.”​—1 Ioane 5:19, Te Bibilia Tapu Ra.

“I akakiteia mai . . . te Tamaiti a te Atua ra, kia akakore aia i te angaanga a te diabolo.”​—1 Ioane 3:8.

AU AKAMEITAKIANGA NOOU

Marama meitaki anga i te au manamanata e tupu ra i teianei ao.​—Apokalupo 12:12.

Tumuanga tau kia irinaki e ka meitaki atu teianei ao.​—1 Ioane 2:17.

 KA RAUKA AINEI TE IRINAKI TIKAI I TE PIPIRIA?

Ae, e toru tumu:

  • Ka takoreia te tutaraanga a Satani. Te akakoro nei a Iehova i te takore i ta Satani akatere anga i te tangata. Taputou aia i te ‘akangere atu i te diabolo’ e te takore i te au kino ta Satani i akatupu.​—Ebera 2:14.

  • Kua iki te Atua ia Iesu Karaiti kia tutara i te ao. Tuke to Iesu tu ki to te tutara kino o teianei ao. Kua taputou te Atua no runga i to Iesu tutaraanga ei ariki e: ‘Ka akaperepere aia i tei apikepike e tei putaua, Ka akaora aia ia ratou mei te takinga-kino e te rotoriri.’​—Salamo 72:13, 14.

  • Kare te Atua e pikikaa ana. Akakite mai te Pipiria e: ‘Kare e tika i te Atua kia pikikaa.’ (Ebera 6:18) Me taputou mai a Iehova i te rave i tetai angaanga, mei te mea rai e kua tupu te reira! (Isaia 55:10, 11) Ei akaraanga, ka uriia a Satani ki vao mei ta te Pipiria e karanga ra e, “ka eke ei te ariki o teianei ao.”​—Ioane 12:31.

 KIA AKAMANAKO

Mei teaa ra te turanga o teianei ao me takoreia tona tutara?

Te pau maira te Pipiria i taua uianga ra i roto ia SALAMO 37:10, 11 e APOKALUPO 21:3, 4.