Neke ki te tumu manako rikiriki

Neke ki te ngai o te au tumu tuatua

Pauia te au Uianga Pipiria

Pauia te au Uianga Pipiria

Akapeea te tamariki me apii kia inangaro i te Atua?

Apii i taau tamaiti i te au mea i angaia kia kite e kia inangaro aia i te Atua

Ka akatupu te tamariki i te inangaro no te Atua me mārama ratou e e Atua tetai e te akaperepere ra Aia ia ratou. Kia inangaro i te Atua, ka anoanoia ratou kia kite e koai aia. (1 Ioane 4:8) Ei akaraanga, ka anoanoia ratou kia kite e: Eaa to te Atua akakoroanga no te tangata? Eaa te Atua i akatika ai i te kino kia tupu? Eaa ta te Atua ka rave no te tangata i te tuatau ki mua?​—E tatau ia Philipi 1:9.

Ei tauturu i taau tamariki kia akatupu i te inangaro no te Atua, ka anoanoia koe kia akaari e te inangaro katoa ra koe i te Atua. Me kite te tamariki i te reira, ka aru ratou i toou akaraanga.​—E tatau ia Deuteronomi 6:5-7; Maseli 22:6.

Akapeea koe me itae i te ngakau o taau tamariki?

E mana ririnui to te Tuatua a te Atua. (Ebera 4:12) No reira e apii i taau tamariki i te au apiianga mua i roto i reira. Kia itae i te ngakau o te tangata, kua ui a Iesu i te au uianga, kua akarongo ki ta ratou pauanga e kua akamārama atu i te au Tuatua Tapu. Kia itae i te ngakau o te tamariki, e aru i te akaraanga a Iesu no te apii anga.​—E tatau ia Luka 24:15-19, 27, 32.

Pera katoa te au tua Pipiria no runga i ta te Atua i rave ki te tangata, ka tauturu i taau tamariki kia kite e kia akatupu i te inangaro no te Atua. Ka kite koe i te au puka e te au atikara i runga i te www.jw.org te ka tauturu ia koe kia rave i teia.​—E tatau ia 2 Timoteo 3:16.