Neke ki te tumu manako rikiriki

Neke ki te ngai o te au tumu tuatua

Akaapa Pikikaaia!

Akaapa Pikikaaia!

 No te Au Mapu

Akaapa Pikikaaia!

IOSEPHA​—TUANGA 2

Au Ikuikuanga: E rave i teia apiianga i roto i te au ngai muteki ua. Ia koe e tatau ra i te au irava, e akamanako e tei roto koe i te reira tupuanga. Akamanako meitaki i te akatutuanga. Akarongo i te au reo. Akamanako i te au manako ngakau o te aronga tikai i roto i te tua. E akaora mai i te papaanga.

Aronga i roto i te tua: Iosepha, Potiphara, e tana vaine

Akakiteanga poto: Akamouauri tarevakeia a Iosepha, vaitata ua ra a Iehova iaia.

1 AKAMANAKO MEITAKI I TE AKATUTUANGA.—E TATAU IA GENESE 39:7, 10-23.

Eaa te manako ngakau i roto i te reo o te vaine a Potiphara taau e manako ra iaia e akaapa pikikaa ra ia Iosepha?

․․․․․

Akataka mai te tu o te areauri mei taau e manako ra.

․․․․․

Te akamataanga, eaa te tu ta Iosepha i akakoromaki iaia i roto i te areauri? (Taikuanga: Akara ia Salamo 105:17, 18.)

․․․․․

2 KIMIKIMI MARIE.

Naringa e paruparu te akarongo o Iosepha, eaa ra tana ka manako iaia i roto i te areauri? (Taikuanga: Akara ia Iobu 30:20, 21.)

․․․․․

Peea tatou e kite ei e kare a Iosepha i akaapa ana ia Iehova no tona turanga? (Taikuanga: Akara ia Genese 40:8; 41:15, 16.)

․․․․․

Toou manako eaa te au tu tei tauturu ia Iosepha kia akakoromaki i te akamouauri tau koreia anga? (Taikuanga: E tatau e te akamanako i te au irava e aru maira: Mika 7:7; Luka 14:11; Iakobo 1:4.)

․․․․․

 Eaa te terenianga tei rauka ia Iosepha i roto i te areauri, e akapeea aia i te puapinga anga mei teia terenianga i roto i tona oraanga i muri mai? (Taikuanga: Akara ia Genese 39:21-23; 41:38-43.)

․․․․․

3 AKONO I TAAU I KITE. TATA I TAAU I KITE MAI NO TE . . .

Puapinga ka rauka i te aronga tei akakoromaki.

․․․․․

Terenianga ka rauka, ia koe e na roto ra i tetai turanga ngata.

․․․․․

Ta Iehova tauturu i te au tuatau ngata.

․․․․․

NO TETAI ATU AKAKITEANGA.

I o ana rai koe ki roto i tetai turanga tei akamanamanata e tei akatakake ia koe? Ia koe katoa e na roto ra i te turanga ngata, akapeea ra a Iehova i te tauturu anga ia koe? (Taikuanga: E tatau e te akamanako ia 1 Korinetia 10:13.)

․․․․․

4 EAA TE MEA PUAPINGA KIA KOE NO RUNGA I TEIA PAPAANGA, E NO TEAA RA?

․․․․․

Maata atu te apiianga Pipiria e tatau i runga i te initaneti www.watchtower.org