Neke ki te tumu manako rikiriki

Neke ki te ngai o te au tumu tuatua

Ta te Tangata Aruaru Anga i te Akamareka i te Atua

Ta te Tangata Aruaru Anga i te Akamareka i te Atua

 Ta te Tangata Aruaru Anga i te Akamareka i te Atua

“KARE roa tetai ua atu taiate tangata e kore ana e kare te Atua i riro mai ana e ko tetai tuanga, tei matauia ko tetai tuanga akatere anga e i anga ra. E tika katoa te reira ki taua au taiate noa ua te rave akakoro ra i te akataka ke anga.” I karanga ai a John Bowker i roto i tana puka God​—A Brief History. I tetai tu, te aruaru anga i te kimi i te Atua e kia rauka tona mareka anga kua riro ko tetai tumu manako tei akakiteia na roto i te tu o te tangata. Takapini i te ao, e manganui te inangaro tikai ra i te akamareka i te Atua. E tika, peea ratou i te tauta anga i te rave i teia te tuke ra ia kia tau ki to ratou au irinaki anga.

Te irinaki ra etai e ko te apinga ua te anoanoia ra kia rauka to te Atua mareka anga koia oki kia akono i tetai oraanga meitaki. Te manako ra tetai e ka rauka ia ratou te mareka anga o te Atua na te rave anga i te au angaanga oronga ua no te putaua. E pera katoa, e puapinga maata oki te au oroa akonoanga e te au peu ki te au tangata e mirioni ua atu.

I tetai tua, te vaira te aronga tei irinaki e e mamao ke atu te Atua i te itaeia e ratou​—e mamao roa atu me kare te angaanga pakari ra ma tetai ua atu au tumu i te akarongo mai ki te au tangata noa ua. Kua ripotiia mai e kua irinaki te tangata apii ko Epikuro o Ereni taito e ‘e mamao ke katoa te au atua i te rave i tetai atu kino kia koe i to te meitaki ra.’ Noatu rai, ko te manganui ma taua au manako ra e au tangata akonoanga. Penei ka oronga katoa etai i te au atinga e te rave i te au peu i te manakoanga no te akamaru atu i to ratou ui tupuna tei mate.

Eaa toou manako? Te akara tikai maira ainei te Atua i ta tatou au tauta anga kia rauka mai tona mareka anga? Ka rauka ainei ia tatou i te akakeu atu i to te Atua ngakau e te akamareka atu iaia ra?

 [Akameitakianga no te Tutu i te kapi 2]

COVER: Courtesy of ROE/Anglo-Australian Observatory, photograph by David Malin