Neke ki te tumu manako rikiriki

Neke ki te rua o te ngai ka akaari mai i te au puka

Neke ki te ngai o te au tumu tuatua

Au Kite o Iehova

Reo Rarotonga

Koai ma te Rave ra i to Iehova Anoano i Teia Tuatau?

 APII 19

Koai te Tavini Akono Meitaki e te Pakari?

Koai te Tavini Akono Meitaki e te Pakari?

Puapingaia nei matou pouroa mei te au apiianga pae vaerua

Mua ua ake tona mate anga, kua tuatua atu a Iesu ki tana au pipi e a—ko Petero, Iakobo, Ioane, e Anederea. Ia Iesu e totou ra i te akairo o tona noo vaitata anga kia ratou, kua ui a Iesu i tetai uianga puapinga e: “Koai te tavini akono meitaki e te pakari, i ta tona pu i akaaere i tona ngutuare, ei tua i te kai na ratou i te ora mou ra?” (Mataio 24:3, 45; Mareko 13:3, 4) Te akapapu ra a Iesu ki tana au pipi e no te mea koia to ratou “pu,” ka iki aia i te aronga te ka oronga ua mai i te au apiianga pae vaerua no tana au pipi i te tuatau openga. Koai ma i reira teia tavini?

E pupu meangiti o te au taeake akatainuia o Iesu. Ko taua “tavini” ra te Pupu Akaaere o te Au Kite o Iehova. Te oronga maira teia “tavini” i te au apiianga pae vaerua i te tuatau tau ki te au taeake akamori o Iehova. Te irinaki nei matou ki teia tavini akono meitaki kia oronga ua mai rai i te “tuanga kai i te ora mou ra”—Luka 12:42.

Te akaaere ra teia tavini i te ngutuare o te Atua. (1 Timoteo 3:15) Kua oronga mai a Iesu i tetai apainga maata no te akono anga i te angaanga o te tuanga o ta Iehova akaaerenga i te enua nei—te akono anga i to te reira au apinga puapinga, te akaaere anga i te angaanga tutuanga, e te apiianga ia matou i roto i ta matou au putuputuanga. E kia oronga mai i ta matou e anoano ra e me anoano matou i te reira. Te oronga maira “te tavini akono meitaki e te pakari” i te au apiianga pae vaerua na roto i te au puka e taangaanga ana matou i roto i ta matou angaanga orometua, pera katoa na roto i te au apiianga e orongaia mai ana i ko i ta matou au uipaanga e te au akaputuputuanga.

Te turuturu meitaki ra te tavini i te au tuatua mou Pipiria e te akauenga kia tutu aere i te tuatua meitaki, e e tu pakari to ratou i te akono meitaki i te au anoano o Karaiti i te enua nei. (Angaanga 10:42) Te akameitaki ra a Iehova i ta ratou angaanga na te akamaata anga i te au apiianga pae vaerua.—Isaia 60:22; 65:13.

  • Koai ma tei ikiia e Iesu kia angai i tana au pipi i te pae vaerua?

  • Na teea au tu i riro ei te tavini ei akono meitaki e te pakari?