Neke ki te tumu manako rikiriki

Neke ki te rua o te ngai ka akaari mai i te au puka

Neke ki te ngai o te au tumu tuatua

Au Kite o Iehova

Reo Rarotonga

Koai ma te Rave ra i to Iehova Anoano i Teia Tuatau?

 APII 18

Akapeea Ana Matou me Tauturu i to Matou au Taeake Tei Taitaia?

Akapeea Ana Matou me Tauturu i to Matou au Taeake Tei Taitaia?

Dominican Republic

Tiapani

Haiti

Me tupu mai tetai tumatetenga, e angaanga viviki ana te Au Kite o Iehova i te tauturu atu i to ratou au taeake tei kino. Te akaari maira taua au tu ra i to matou inangaro ngakau tae i tetai e tetai. (Ioane 13:34, 35; 1 Ioane 3:17, 18) Eaa te au mataara e tauturu ana matou?

E oronga ana matou i te moni. Te tupu anga tetai onge maata i Iudea, kua tuku atu te au Kerititiano mua i roto ia Anetioka i tetai moni ei tauturu i to ratou au taeake pae vaerua. (Angaanga 11:27-30) E akapera katoa ana matou me akarongo matou e te na roto ra to matou au taeake i te au turanga ngata, ka oronga matou i te au apinga na roto i te putuputuanga no te aronga te anoano maata ra i te tauturu.—2 Korinetia 8:13-15.

E oronga ana matou i te tauturu tau. Ka kimi te aronga pakari i ko i te ngai o te tumatetenga i te au mema tataki tai o te putuputuanga i te akapapu kua kiteaia te au Kite katoatoa e te meitaki ra ratou. Ka akapapa te kumiti tauturu i tetai au kai, vai ma ei inu, kakau, ngai nooanga, e tetai tauturu i te pae rapakau. Maata te Au Kite e kite karape to ratou, e oronga puareinga ana ia ratou te tutaki anga i to ratou uaorai patete no te tauturu atu i te angaanga me kore no te maani akaou anga i te au are e te au Are Uipaanga Patireia i kino. Kua riro te taokotaianga ta matou e mataora nei i roto i te akaaerenga e ta matou i kite mai mei te angaanga kapiti anga, ei tauturu ia matou kia akaputu viviki i te au apinga ka anoanoia no taua tuatau ra. Noatu e ka tauturu atu matou i te ‘aronga tikai tei piri mai kia matou i roto i te akarongo,’ ka tauturu katoa atu matou i tetai ke me ka rauka, noatu eaa ta ratou akonoanga.—Galatia 6:10NW.

E oronga ana matou i te akapumaana mei te au Tuatua Tapu. E anoano maata ana te aronga tei kino i te akapumaanaanga. I roto i taua tuatau ra, e rauka mai ana to matou maroiroi mei ia Iehova, ‘te Atua o te pumaana.’ (2 Korinetia 1:3, 4) E mataora ana matou i te akakite aere i te au taputou a te Pipiria ki te aronga tei tumatetenga, te akapapu atu anga e kare e roa atu ka takore te Patireia o te Atua i te au tumatetenga ravarai te akatupu ra i te mamae e te kino.—Apokalupo 21:4.

  • Eaa ra te Au Kite o Iehova i viviki ei i te tauturu atu i te tuatau tumatetenga?

  • Eaa te akapumaanaanga pae vaerua ka rauka ia matou i te oronga atu ki te aronga tei ora mai?