Neke ki te tumu manako rikiriki

Neke ki te rua o te ngai ka akaari mai i te au puka

Neke ki te ngai o te au tumu tuatua

Au Kite o Iehova

Reo Rarotonga

Koai ma te Rave ra i to Iehova Anoano i Teia Tuatau?

Eaa ra to te Atua Anoano?

Eaa ra to te Atua Anoano?

Te inangaro ra te Atua kia noo tatou ma te au e te mataora i runga i te enua parataito e tuatau ua atu!

Penei ka manako koe e, ‘Akapeea te reira e tupu ei?’ Kua akakite mai te Pipiria e na te Patireia o te Atua e akatupu i te reira, e ko te anoanoia o te Atua kia kite te au tangata ravarai i taua Patireia ra e tona akakoroanga no tatou.—Salamo 37:11, 29; Isaia 9:6.

Inangaro ra te Atua kia puapingaia tatou.

Mei tetai metua tane meitaki rai te inangaro ra i te mea meitaki no tana au tamariki, te inangaro katoa ra to tatou Metua i te rangi kia mataora tatou e tuatau ua atu. (Isaia 48:17, 18) Kua taputou mai aia e “ko tei akono ra i to te Atua ra anoano, e tika ïa i te ora anga e tuatau ua atu.”—1 Ioane 2:17.

Inangaro te Atua kia aaere tatou na tona au arataa.

Te karanga ra te Pipiria e te inangaro ra Tei Anga mai ia tatou i te “apii mai ia tatou i tona au aerenga” kia rauka ia tatou i ‘te aaere na tona ra au arataa.’ (Isaia 2:2, 3) Kua akanoo aia ‘i tetai papaki tangata no tona ingoa’ kia akakite aere i tona anoano i te enua nei.—Angaanga 15:14.

Inangaro ra te Atua kia akamori taokotai tatou iaia.

Kare te reira e akavee nei i te iti tangata, te taokotai nei te akamorianga mou a Iehova ia ratou ma te aroa tika tikai. (Ioane 13:35) Koai ma i teia tuatau te apii ra i te au tane e te au vaine i te au ngai ravarai kia tavini taokotai i te Atua? Te pati atu nei matou ia koe kia kite i te reira na roto i teia poroutia.