Neke ki te tumu manako rikiriki

Neke ki te rua o te ngai ka akaari mai i te au puka

Neke ki te ngai o te au tumu tuatua

Au Kite o Iehova

Reo Rarotonga

Koai ma te Rave ra i to Iehova Anoano i Teia Tuatau?

 APII 21

Eaa ra a Betela?

Eaa ra a Betela?

Tipatimani Toroa Tutu, Marike

Tiamani

Kenia

Colombia

I roto i te reo Epera, te aiteanga o Betela koia oki ‘te Are o te Atua.’ (Genese 28:17, 19) Tau ra te reira ingoa no te au are ta te Au Kite o Iehova i akatu takapini i teianei ao, te ngai e aratakiia ra e e turuturuia ra te angaanga tutuanga. Te tavini ra te Pupu Akaaere i ko i te opati maata o teainei ao i New York State, U.S.A., e ka akatere mai ratou i te angaanga a te au opati manga i te au enua e manganui mei te reira ngai mai. Kua kiteaia mai te aronga e tavini ra i teia au ngai e ko te pamiri Betela. Mei tetai pamiri rai, e noo kapiti ana e e angaanga kapiti ana ratou, e kaikai kapiti ana, e e apii kapiti ana ratou i te Pipiria.—Salamo 133:1.

E ngai puapinga tikai no te au mema pamiri kia oronga puareinga ua ia ratou uaorai. I roto i te au Betela, e akapou ana te au tane e te au vaine Kerititiano i te rave i to te Atua anoano e te rave tamou anga i te au anoano o te Patireia. (Mataio 6:33) Kare ratou e tutakiia ana, inara e orongaia ana tetai ngai nooanga e te au kai na ratou, e tetai manga moni ei tutaki i tetai au apinga. E tuanga angaanga ta te katoatoa i Betela, te angaanga anga i roto i tetai opati, ngai tunu kai, me kore ngai kaikai anga. E angaanga ana tetai pae i te ngai neneianga me kore i te ngai vaii anga puka, tama anga are, pua kakau anga, akono meitaki anga i te are, e tetai atu au angaanga.

E ngai teia e maata te angaanga te turuturu ra i te tutuanga i te Patireia. Te akakoroanga maata o te au Betela ravarai, kia akakitekite i te tuatua mou Pipiria ki te au tangata e manganui. Ko teia poroutia tetai akaraanga. Kua tataia te reira i raro ake i te akaaere anga a te Pupu Akaaere, kua tukuia atu na roto i te komupiuta ki te au pupu uri reo takapini i teianei ao, kua neneiia ki runga i te au matini neneianga viviki i ko i te au ngai neneianga o Betela, e kua tukuia atu ki te 110,000 au putuputuanga. I roto i te au tuanga ravarai o teia angaanga, e turuturu meitaki ana te au pamiri Betela i teia angaanga puapinga rava atu—te tutuanga i te tuatua meitaki.—Mareko 13:10.

  • Koai ma te tavini ra i Betela, e akapeea ratou i te akonoia anga?

  • Eaa te angaanga rapurapu e turuturuia ra e te au angaanga i ko i te au Betela tataki tai?