Neke ki te tumu manako rikiriki

Neke ki te rua o te ngai ka akaari mai i te au puka

Neke ki te ngai o te au tumu tuatua

Au Kite o Iehova

Reo Rarotonga

Koai ma te Rave ra i to Iehova Anoano i Teia Tuatau?

 Apii 26

Akapeea Ana Matou me Akono i to Matou Are Uipaanga Patireia?

Akapeea Ana Matou me Akono i to Matou Are Uipaanga Patireia?

Estonia

Zimbabwe

Mongolia

Puerto Rico

Tei runga te ingoa tapu o te Atua i te au Are Uipaanga Patireia ravarai o te Au Kite o Iehova. No reira, kua kite matou e ka riro te akono anga i te are uipaanga kia ma, kia manea, e kia meitaki ei akangateiteianga e ei mea puapinga no ta matou akamorianga tapu. Ka rauka i te katoatoa i te piri mai ki te reira.

Tauturu atu i te tama i muri ake i te uipaanga. Muri ake i te au uipaanga ravarai, e mataora ana te au taeake e te au tuaine i te tama e te akono meitaki i te Are Uipaanga Patireia. E tai taime i te epetoma e tama meitakiia ana te reira. Ka akaaere tetai tangata pakari me kore tetai tavini orometua i te angaanga, na te aru anga i tetai papaanga no te au mea ka raveia. Tei runga i te ka anoanoia kia raveia, ka tauturu tetai aronga i te purumu, mopu (mop), me kore ka tama i te taua, e te au ngai reporepo, ka akatikatika i te au noo anga, ka orei e ka tavairakau i te ngai o te are meangiti, ka orei i te au maramarama e te au io, ka apai i te tita, me kore ka tama e ka akono meitaki a vao e a vao ake i te aua. E tai taime i te mataiti, ka akanooia tetai ra no te tama anga i te au ngai ravarai. Na te kapiti mai anga i ta matou au tamariki kia rave i tetai au angaanga, te apii ra matou ia ratou kia akangateitei i to matou ngai akamorianga.Koheleta 5:1.

Tauturu i te maani akaou i te au mea kua kino. I te au mataiti e akara meitakiia ana a roto e a vao i te Are Uipaanga Patireia. Me ka kitea mai tetai au ngai kino, ka raveia tetai au angaanga i te akono meitaki i te are uipaanga, kia kore e maata te moni e pou ki runga i te reira. (2 Paraleipomeno 24:13; 34:10) Tau meitaki rai tetai Are Uipaanga Patireia ma e te akono meitakiia ei ngai akamorianga i te Atua ko Iehova. Na te piri anga ki teia angaanga, te akaari ra matou e e pirianga vaitata tikai to matou kia Iehova e te akaperepere nei matou i to matou ngai akamorianga. (Salamo 122:1) Ka riro katoa teia i te akamareka i te au tangata i vao mai.2 Korinetia 6:3.

  • Eaa ra matou ka akono meitaki ei i to matou ngai akamorianga?

  • Eaa te au akanoonooanga e raveia ana no te akono meitaki anga i te Are Uipaanga Patireia kia ma?

Apii Maata Atu

UIPAANGA

Eaa te Raveia Ana i ko i te au Uipaanga a te Au Kite o Iehova?

Akara e akapeea matou me rave i te akamorianga.