Neke ki te tumu manako rikiriki

Neke ki te rua o te ngai ka akaari mai i te au puka

Neke ki te ngai o te au tumu tuatua

Au Kite o Iehova

Reo Rarotonga

Koai ma te Rave ra i to Iehova Anoano i Teia Tuatau?

 Apii 8

Eaa ra Matou ka Akamanea ai no ta Matou au Uipaanga?

Eaa ra Matou ka Akamanea ai no ta Matou au Uipaanga?

Iceland

Meiko

Guinea-Bissau

Philippines

Te kite ra ainei koe i te au tutu i roto i teia poroutia i te tu mako o te akamanea anga o te Au Kite o Iehova e aere ra ki te au uipaanga putuputuanga? Eaa ra matou ka akamanako meitaki ei i to matou kakau e te akamanea anga?

Akaari Anga i te akangateitei ki to matou Atua. E tika, kare te Atua e akara mai i to tatou au tu o vao. (1 Samuela 16:7) Inara, me akaputuputu matou i te akamori iaia, ka inangaro tikai matou i te akangateitei iaia e to matou au taeake akamori. Me tei mua tatou i te akavaanga, ka akamanea tatou ia tatou no te akaari anga i te tu akangateitei. Pera katoa, me akamanea matou no te au uipaanga te akaari ra matou i te tu akangateitei ki ‘te Akava o te ao katoa,’ te Atua ko Iehova, e no te ngai e akamori ra matou iaia.Genese 18:25.

Akaari i to matou au tu meitaki. Te akamaroiroi maira te Pipiria i te au Kerititiano kia akamanea “ma te tu mako e te manako tau.” (1 Timoteo 2:9, 10) Te aiteanga o te akamanea anga “ma te tu mako,” koia oki kia kopae i te au kakau akatietie, tau kore, me kore akaariari kopapa te ka akaraia mai e te tangata. E tauturu katoa mai ana te tu “manako tau” ia matou kia iki i te au kakau meitaki, kare i te kakau mako kore. Te akatika ra teia au kaveinga ia matou kia rave i te au ikianga tau e te tukeke. Ma te kore e tuatua, ka ‘manea te tuatua a te Atua o to tatou Ora’ e ka riro te reira ei ‘akameitaki i te Atua’ na roto i to matou tu manea e te meitaki. (Tito 2:10; 1 Petero 2:12) Na te akamanea anga no te au uipaanga, te akakeu ra matou i tetai ke kia akamori ia Iehova.

Noatu kare oou kakau manea tikai, ka akatikaia rai koe kia aere mai ki te Are Uipaanga Patireia. Kare e anoanoia kia aao tatou i te kakau oko maata me kore te au kakau manea tikai, inara kia riro to tatou kakau ei mea tau, ma, e te mako.

  • Mei teaa te puapinga o te akamaneaanga me akamori tatou i te Atua?

  • Eaa te au kaveinga te arataki ra i ta tatou ikianga no te kakau e te akamaneaanga?