Neke ki te tumu manako rikiriki

Neke ki te rua o te ngai ka akaari mai i te au puka

Neke ki te ngai o te au tumu tuatua

Au Kite o Iehova

Reo Rarotonga

Eaa Tikai ta te Pipiria e Apii Maira?

APENETIKI

Iesu Karaiti—Te Mesia Taputouia

Iesu Karaiti—Te Mesia Taputouia

EI TAUTURU ia tatou i te akataka i te Mesia, kua akauru te Atua ko Iehova i te au peroveta Pipiria e manganui kia oronga i te au akakite anga no runga i te anau anga, te angaanga orometua, e te mate anga o teia Akaora taputouia. Kua akatupuia teia au totou Pipiria katoatoa ki roto ia Iesu Karaiti. E tika tikai e te akakite meitakiia ra ratou ma te umere. Ei akatutu i teia, ka uriuri ana tatou i tetai au totou tokoiti tei akakite ra i te au tupu anga tei piri atu ki te anau anga e te tamarikianga o te Mesia.

Kua akakite te peroveta ko Isaia e e uanga aia no te ariki ko Davida. (Isaia 9:6) Kua anau tikaiia a Iesu na roto mai i to Davida papaanga—Mataio 1:1, 6-17.

Kua akakite a Mika, tetai atu peroveta a te Atua, e i te openga ka riro mai teia tamaiti ei tutara e ka anauia aia i “Betelehema Epharata.” (Mika 5:2) I te taime o to Iesu anau anga, te vaira e rua nga taoni i Iseraela to raua ingoa ko Betelehema. Okotai tei te pae ia Nazareta i te ngai apa tokerau o te enua, e tetai, tei te pae ia Ierusalema i Iuda. Te Betelehema i te pae ia Ierusalema tona ingoa i mua ana ko Epharata. Kua anauia a Iesu ki roto i te reira taoni, mei ta te totou tikai i akakite mai!—Mataio 2:1.

Kua akakite tetai atu totou Pipiria e ka kapikiia te Tamaiti a te Atua “i Aiphiti.” Kua apainaia te tamaiti ra a Iesu ki Aiphiti. Kua akaokiia mai aia i muri ake i te mate anga o Heroda, i reira te akatupuanga i te totou.—Hosea 11:1; Mataio 2:15.

I roto i te tiati [“Te Au Totou no te Mesia Tupuanga Totou Akatupu Anga”], te au irava i raro ake i te upoko tuatua “Totou” tei roto i reira te au akakite anga no runga i te Mesia. E akaaite atu i teia ine ki te au irava tei papaia i raro ake i te upoko tuatua “Akatupu Anga.” Na te raveanga i teia ka akaketaketa maata atu i toou akarongo ki roto i te tika anga tikai o te Tuatua a te Atua.

Ia koe e akara matatio ra i teia au irava, e akamanako ana i taua tu totou kua tataia e anere ua atu mataiti i mua ake i to Iesu anau anga. Kua akakite a Iesu: “E tupu rai noku nei te au tuatua i tataia ki roto i te ture a Mose ra, e te au peroveta ra, e i te Salamo ra.” (Luka 24:44) Mei taau i rauka i te akapapu i roto i taau uaorai Pipiria, kua akatupuia ratou—i te au akakite anga ravarai!

TE AU TOTOU NO TE MESIA
TUPUANGA TOTOU AKATUPU ANGA
Anauia i te kopu o Iuda Genese 49:10 Luka 3:23-33
Anauia i te paretenia Isaia 7:14 Mataio 1:18-25
No te uanga o te Ariki ko Davida Isaia 9:7 Mataio 1:1, 6-17
Akakiteia e Iehova ei Tamaiti nana Salamo 2:7 Mataio 3:17
Kare i irinakiia Isaia 53:1 Ioane 12:37, 38
Aere ki Ierusalema na runga i tetai atini Zekaria 9:9 Mataio 21:1-9
Pikikaaia e tetai oa piri Salamo 41:9 Ioane 13:18, 21-30
Pikikaaia no te 30 moni ario Zekaria 11:12 Mataio 26:14-16
Muteki i mua i tona aronga akaapa Isaia 53:7 Mataio 27:11-14
Tuaia tona au kakau Salamo 22:18 Mataio 27:35
Akakinoia i runga i te rakau Salamo 22:7, 8 Mataio 27:39-43
Kare okotai ona au ivi i ati Salamo 34:20 Ioane 19:33, 36
Tanumia ma te aronga apinganui Isaia 53:9 Mataio 27:57-60
Akatuia i mua ake ka pe ei Salamo 16:10 Angaanga 2:24, 27
Akateiteiia i te rima katau o te Atua Salamo 110:1 Angaanga 7:56

← Akara i te pene taikuia