Neke ki te tumu manako rikiriki

Neke ki te rua o te ngai ka akaari mai i te au puka

Neke ki te ngai o te au tumu tuatua

Au Kite o Iehova

Reo Rarotonga

Au Manako Maata Eaa ta te Pipiria ka Apii Mai ia Tatou?

19. Noo Vaitata ua Rai Kia Iehova

19. Noo Vaitata ua Rai Kia Iehova

1 INANGARO A IEHOVA IA KOE

“I aroa mai te Atua i to te ao nei, kua tae rava ki te oronga anga mai i tana Tamaiti anau tai, kia kore e mate te akarongo iaia, kia rauka ra te ora mutu kore.”—Ioane 3:16

Akapeea a Iehova te akaari mai anga i tona aroa noou?

  • Salamo 91:2

    Ko Iehova to tatou akapuanga. Ka oronga mai aia i te tauturu no to tatou manamanata i teianei.

  • Salamo 37:29

    Kua oronga mai aia i te manakonakoanga no tatou no te tuatau ki mua.

  • 1 Timoteo 6:12, 19

    Ka oronga mai a Iehova i te ora mutu kore e te au mea memeitaki anake. Ka noo tatou ma te au, te mataora e kare e maki i roto i te parataito.

2 INANGARO A IEHOVA KIA INANGARO KOE IAIA

“E anoano atu koe i to Atua ia Iehova ma to ngakau katoa, e ma to vaerua katoa, e ma to manako katoa.”—Mataio 22:37

Eaa ta te aroa o te Atua e akakeu ra ia koe kia rave?

  • Luka 17:12-17

    Akameitaki ia Iehova no tana au mea ravarai i rave noou.

  • Mataio 7:16-20

    Akaari i toou inangaro no Iehova, rave i tona anoano i te au rā ravarai.

  • 1 Ioane 5:3

    Akono i ta Iehova au akauenga.

  • 1 Timoteo 6:18

    Takinga meitaki i etai ke.

3 KIA VAI MATUTU UA TOOU INANGARO NO IEHOVA

‘Tamou tikai kotou i to kotou uaorai inangaro i roto i te aroa o te Atua.’—Iuda 21

Eaa te ka tauturu ia koe kia noo vaitata ua kia Iehova?

  • 1 Tesalonia 5:17

    Pure putuputu.

  • Mataio 28:19, 20; 2 Timoteo 4:2

    Tauta i taau ka rauka kia tuatua atu ki etai ke no runga i te Patireia o te Atua.

  • Maseli 2:1-5

    Apii ua atu rai no runga ia Iehova.

  • Ebera 10:24, 25

    Kia tae putuputu ki te uipaanga. Ka tauturu te au taeake ia koe te akamatutu i toou pirianga kia Iehova.