“Te kokota ua nei te ngutupa, e te piri oki o te ara, e tae atu ei ki te ora, e tokoia ua ake tei kite atu i te reira.”—Mataio 7:14

Akapeea tatou e kite ei e kare te Atua e āriki i te au tu akamorianga pouroa?

• Mataio 7:21-23

  Kare te Atua e āriki i te au tu akonoanga pouroa. Kare ratou e rave ana i Tona anoano.

• Mataio 7:13, 14

  Te akamorianga mou ka taki atu ki te ora mutukore, te akonoanga pikikaa ki te mate mutukore.

• Mataio 7:16, 17

  Ka kite koe i te akamorianga mou no ta ratou angaanga. Taau ka apii no runga ua i te Pipiria, kare no runga i te au akonoanga.

• 1 Tesalonia 2:13; 2 Timoteo 3:16, 17

  Kia irinaki, e kia apii ua i ta te Pipiria e apii maira.

• Mataio 4:10; Ioane 17:6

  Akamori ia Iehova, kapiki i tona ingoa.

• Ioane 13:35

  Akaari i te aroa mou no tetai e tetai.

• Ioane 3:36; Angaanga 4:12

  Akarongo ia Iesu, koia ta Iehova i tono mai ei akaora ia tatou.

• Ioane 18:36; Angaanga 5:29

  Auraka e piri ki te angaanga poritiki.

• Mataio 24:14; 6:10

  E apii i etai ke e ko te Patireia anake ua o te Atua te ravenga no to tatou manamanata.

Eaa taau ka rave me ka inangaro koe kia āriki mai a Iehova i taau akamorianga?

• Iakobo 2:19

  Kare e rava ua kia irinaki i te Atua. Anoanoia koe kia rave i Tana e akakite maira i roto i te Pipiria.

• Isaia 52:11; Apokalupo 17:5

  Apii a “Babulonia Maata” i te tangata kia akamori ia Iehova na te mataara kare aia e mareka ana. Te ō maira te apiianga no te Atua Toru Tai, te vaerua mate kore e te ai o ade.

• Apokalupo 18:4, 8

  Ka takore a Iehova i te au akonoanga pikikaa. Kia patoi koe i tetai ua atu mea e ō maira te akamorianga pikikaa.

• Mareko 10:28-30

  Penei te patoiia maira koe, kare ra a Iehova e akaruke ia koe.