Neke ki te tumu manako rikiriki

Neke ki te rua o te ngai ka akaari mai i te au puka

Neke ki te ngai o te au tumu tuatua

Au Kite o Iehova

Reo Rarotonga

Akarongo ki te Atua kia Ora e Tuatau ua Atu

 TUANGA 3

Mei Teaa rai te Oraanga i Parataito?

Mei Teaa rai te Oraanga i Parataito?

Kua oronga a Iehova i te au mea meitaki na Adamu e Eva. Genese 1:28

Kua anga a Iehova i te vaine mua ko Eva, e kua oronga iaia ei vaine na Adamu.​—Genese 2:21, 22.

Kua anga a Iehova ia raua ma te manako e te kopapa apa kore, kare e kino.

To raua Parataito ko te kainga i Edene​—e ngai manea tikai ma te kauvai, au ua rakau e te au manu.

Kua tuatua a Iehova kia raua; kua apii ia raua. Me akarongo raua kiaia, ka ora raua e tuatau ua atu i te Parataito i te enua nei.

 Kua akakite te Atua e auraka e kai mei tetai o te au ua rakau. Genese 2:16, 17

Kua meameaau tetai angera i te Atua. Ko Satani te Tiaporo taua angera kino ra.

Kua akaari a Iehova kia Adamu e Eva e tai ua rakau o te kainga, e kua akakite e me kai raua mei te reira ka mate raua.

Kare a Satani i inangaro ana ia Adamu e Eva kia akarongo kia Iehova. No reira kua taangaanga aia i tetai ovi kia akakite kia Eva e me kai aia i te ua mei taua pu rakau ra, kare aia e mate, ka riro aia mei te Atua rai. Inara, e pikikaa te reira.​—Genese 3:1-5.