Neke ki te tumu manako rikiriki

Neke ki te ngai o te au tumu tuatua

 TUANGA 7

Koai oki a Iesu?

Koai oki a Iesu?

Kua tono mai a Iehova ia Iesu ki te enua nei. 1 Ioane 4:9

Me inangaro tatou i te akamareka ia Iehova, e akarongo tatou ki tana Tamaiti. Mua roa ake ka angaia ai a Adamu, kua anga mai a Iehova i tetai angera ririnui tikai i te rangi.

Muri mai, kua tuku mai a Iehova iaia kia anauia i Betelehema na roto i te paretenia ko Maria. Kua tapaia te ingoa o te tamaiti ko Iesu.​—Ioane 6:38.

Iaia i te enua nei, kua akaari apa kore mai a Iesu i to te Atua au tu. E tangata takinga meitaki aia, aroa, e te oaoa. Ma te mataku kore, kua apii atu aia i etai ke i te tuatua mou no runga ia Iehova.

 Kua rave a Iesu i te mea meitaki inara kua makitakitaia. 1 Petero 2:21-24

Kua akaora katoa a Iesu i tei maki e kua akatuakaou mai i tei mate.

Kua riri te au arataki akonoanga ia Iesu no tei akakite i ta ratou au apiianga pikikaa e to ratou au tu kino.

Kua maro te au arataki akonoanga i te au tutara o Roma kia papa e kia tamate ia Iesu.