Neke ki te tumu manako rikiriki

Neke ki te rua o te ngai ka akaari mai i te au puka

Neke ki te ngai o te au tumu tuatua

Au Kite o Iehova

Reo Rarotonga

Akarongo ki te Atua kia Ora e Tuatau ua Atu

 TUANGA 4

Akarongo Raua kia Satani​—Eaa Tei Tupu Mai?

Akarongo Raua kia Satani​—Eaa Tei Tupu Mai?

Kare a Adamu e Eva i akarongo ana ki te Atua, no reira kua mate raua. Genese 3:6, 23

Kua akarongo a Eva ki te ovi e kua kai i te ua rakau. Muri mai, kua oronga aia i tetai na Adamu, e kua kai aia i te reira.

Tarevake ta raua i rave —e ara te reira. Kua tuaru te Atua ia raua mei to raua kainga Parataito.

Ngata te oraanga no raua e ta raua tamariki. Kua ruaine e kua mate raua. Kare raua i aere ana ki te rangi; kua ope to raua oraanga.

 Mei te one pueu rai te aronga i mate. Genese 3:19

Ka mate tatou no te mea no roto mai tatou ia Adamu e Eva. Kare tei mate e kite, e akarongo me kore e rave i tetai angaanga.​—Koheleta 9:5, 6, 10.

Kare a Iehova e inangaro kia mate te tangata. Kare e roa atu ka akatuakaou mai aia i tei mate. Me akarongo ratou kiaia, ka ora ratou e tuatau ua atu.