Neke ki te tumu manako rikiriki

Neke ki te rua o te ngai ka akaari mai i te au puka

Au Kite o Iehova

Reo Rarotonga

Eaa Toou Manako no te Tuatau ki Mua?

Eaa Toou Manako no te Tuatau ki Mua?

To tatou ao . . .

  • ka vai ua ainei?

  • ka kino ua atu ainei?

  • ka meitaki atu ainei?

 AKAKITE RA TE PIPIRIA E

Ka orei te Atua i te roi-mata katoatoa; e e kore rava te mate, e te aue, e te mii; e te mamae oki, e kore katoa ïa; no te mea kua kore te au mea taito.’​—Apokalupo 21:3, 4, Te Bibilia Tapu Ra.

AU AKAMEITAKIANGA NOOU

Angaanga puapinga e te meitaki tikai.​—Isaia 65:21-23.

Ka kore te maki e te au tu mamae.​—Isaia 25:8; 33:24.

Oraanga mataora e tuatau ua atu ma te ngutuare tangata e te au oa.​—Salamo 37:11, 29.

 KA RAUKA AINEI TE IRINAKI TIKAI I TE PIPIRIA?

Ae, e rua tumu:

  • Ka rauka i te Atua i te akatupu i te taputou. I roto i te Pipiria, ko Iehova anake tei kapikiia e ko “te Atua mana katoatoa,” no te mea e mana ririnui tona. (Apokalupo 15:3) No reira, ka rauka iaia i te akatupu i tana taputou kia taui i teia ao kia meitaki atu. Mei ta te Pipiria e akakite ra, ‘e tika te au mea katoa i te Atua.’​—Mataio 19:26.

  • Te anoano ra te Atua i te akatupu i te taputou. Ei akaraanga, “e tangi rai,” koia oki, te anoano maata ra a Iehova i te akaora akaou mai i te aronga tei mate.​—Iobu 14:14, 15.

    Akaari katoa mai te Pipiria e na te Tamaiti a te Atua, ko Iesu, i rapakau i tei maki. Eaa ra aia i rave ei i te reira? No tona inangaro. (Mareko 1:40, 41) Mei tona Metua rai, e anoano maata to Iesu i te tauturu i te tangata.​—Ioane 14:9.

    No reira, papu ia tatou e te inangaro ra a Iehova e Iesu i te tauturu ia tatou kia mataora to tatou oraanga i te tuatau ki mua!​—Salamo 72:12-14; 145:16; 2 Petero 3:9.

 KIA AKAMANAKO

Akapeea te Atua me taui i to tatou ao kia meitaki atu?

Te pau maira te Pipiria i taua uianga ra i roto ia MATAIO 6:9, 10 e DANIELA 2:44.