Neke ki te tumu manako rikiriki

Neke ki te rua o te ngai ka akaari mai i te au puka

Au Kite o Iehova

Reo Rarotonga

Eaa Toou Manako no Runga i te Pipiria?

Eaa Toou Manako no Runga i te Pipiria?

Ka karanga ainei koe e . . .

  • e puka na te tangata?

  • e puka tua maani ua?

  • e Tuatua na te Atua?

 AKAKITE RA TE PIPIRIA E

“Te au tuatua tapu katoa i tataia ra, e mea akauruia mai e te Atua.”​—2 Timoteo 3:16, Te Bibilia Tapu Ra.

AU AKAMEITAKIANGA NOOU

Au pauanga meitaki ki te au uianga puapinga o te oraanga.​—Maseli 2:1-5.

Aratakianga tau no te oraanga.​—Salamo 119:105.

Manakonakoanga mou no te tuatau ki mua.​—Roma 15:4.

 KA RAUKA AINEI TE IRINAKI TIKAI I TE PIPIRIA?

Ae, e toru tumu:

  • Tu rotai. E 40 tangata tei tata i te Pipiria e tere atu i te 1,600 mataiti. Kare te maataanga ia ratou i kite ana i tetai e tetai. Noatu rai, okotai tumu manako o te Pipiria e te tu rotai!

  • Akakite i te tika. E viviki ua ana te aronga tata tuatua enua i te uuna i te tarevake o to ratou iti tangata. Tuke ra te aronga tata Pipiria, kua akakite tika ratou i to ratou uaorai tarevake e te tarevake o to ratou iti tangata.​—2 Paraleipomeno 36:15, 16; Salamo 51:1-4.

  • Tupu te au totou. E 200 mataiti i mua ake ka akapouia ai te oire taito o Babulonia, kua totou ke ana te Pipiria i te reira. (Isaia 13:17-22) Akakite mai te Pipiria akapeea a Babulonia te inga anga e te ingoa katoa o te tangata ka upokotu!​—Isaia 45:1-3.

    Maata te au totou Pipiria ke e te au mea rikiriki no runga i taua au totou ra tei akatupuia. Kare ainei e ko te reira ta tatou ka irinaki no runga i te Tuatua a te Atua?​—2 Petero 1:21.

 KIA AKAMANAKO

Akapeea te Tuatua a te Atua te akamako anga i toou oraanga?

Te pau maira te Pipiria i taua uianga ra i roto ia ISAIA 48:17, 18 e 2 TIMOTEO 3:16, 17.