Neke ki te tumu manako rikiriki

Neke ki te rua o te ngai ka akaari mai i te au puka

Au Kite o Iehova

Reo Rarotonga

Eaa te Watch Tower Bible and Tract Society?

Eaa te Watch Tower Bible and Tract Society?

Te Watch Tower Bible and Tract Society of Pennsylvania, e taokotaianga kare e kimi moni tei akanooia i te 1884 raro ake i te ture a te Commonwealth of Pennsylvania, Marike. E taangaanga ana te Au Kite o Iehova i te reira kia turu i ta ratou angaanga i te ao katoa, kapiti mai te nenei anga i te Pipiria e te au puka Pipiria.

Kia tau ki te koreromotu akamanaia, te akakoroanga o teia taokotaianga koia te “angaanga akonoanga, te apii, e te oronga tauturu,” e te mea maata, koia oki “kia tutu aere e kia apii i te evangelia o te Patireia o te Atua i raro ake ia Iesu Mesia.” Tei riro mai ei mema no teia taokotaianga, na roto anake i te patianga kare tei runga i te maata o te moni tana ka oronga. Ka tauturu te au mema e te au arataki o teia taokotaianga i te Pupu Akaaere o te Au Kite o Iehova.

Turuia e te au Akatereanga Akamanaia Ke

Kapiti mai ki te Watch Tower Bible and Tract Society of Pennsylvania, e taangaanga ana te Au Kite o Iehova i te au akatereanga akamanaia ke mai i roto i te au enua ke ke. Kua tapaia te ingoa o teia au akatereanga ko te “Watch Tower,” te “Watchtower,” me kore e urianga no te reira.

Kua tauturu teia au akatereanga akamanaia ia matou kia rave maata i te angaanga mei te akamata anga te reira, kapiti mai i teia:

  • Tata e te nenei anga. Kua nenei matou mei te 220 mirioni Pipiria e tetai 40 pirioni puka Pipiria i roto i te 700 tuma reo. Ka tauturu te website jw.org i te tangata kia tatau i te Pipiria i runga i te Initaneti kare e tutaki i te 120 tuma reo e kia kimi i te pauanga ki te au uianga Pipiria mei teia rai, “Eaa te Patireia o te Atua?”

  • Apii. E rave ana matou i te au apii tukeke no te Pipiria. Ei akaraanga, akamata i te 1943, tere atu i te 8,000 Au Kite o Iehova tei puapingaia mei te terenianga pakari i ko i te Apii Punanga Tiaki o Gileada, tei tauturu ia ratou kia riro mai ei au mitinari e kia akaketaketa e te akatinamou i ta matou angaanga tutuanga i te ao katoa. I te au epetoma, e mirioni ua atu tangata, kapiti mai te aronga kare i te Au Kite tei rauka mai te ikuikuanga Pipiria i ko i ta matou au uipaanga a te putuputuanga. E rave katoa ana matou i te apii no te tatau e te tata, e kua nenei i tetai puka i roto i te 110 reo ei tauturu i te tangata kia rave i teia.

  • Oronga tauturu. Kua oronga matou i te tauturu pae kopapa ki te aronga tei rokoia e te tumatetenga—me na te tangata i akatupu, mei te tā tangata maata i Rwanda i te 1994, me kore e tumatetenga natura, mei te ngaruerue enua i Haiti i te 2010.

Noatu e maata te angaanga tei oti na roto i te au taokotaianga e te akatereanga akamanaia ta matou e taangaanga ana, kare ta matou angaanga i akatinamouia ki runga i tetai ua atu. Na te au Kerititiano tataki tai te apainga kia akono i te akauenga a te Atua kia tutu aere e kia apii i te nuti meitaki. (Mataio 24:14; 28:19, 20) Te irinaki nei matou e na te Atua e turu i ta matou angaanga e koia rai “tei akatupu” i te reira.—1 Korinetia 3:6, 7.