Neke ki te tumu manako rikiriki

Neke ki te rua o te ngai ka akaari mai i te au puka

Au Kite o Iehova

Reo Rarotonga

Akapeea te Angaanga a te Au Kite o Iehova i te Turuturuia Anga i te Pae Moni?

Akapeea te Angaanga a te Au Kite o Iehova i te Turuturuia Anga i te Pae Moni?

Ko te mataara maata roa atu e turuturuia ra ta matou angaanga tutuanga koia oki na roto i te moni oronga ua a te Au Kite o Iehova. Kare matou e koʼi moni ana i ko i to matou au uipaanga, e kare matou e anoanoia kia oronga i te tuanga ngauru. (Mataio 10:7, 8) Mari ra, e tukuia ana te au pia moni i roto i to matou au are uipaanga, e me ka inangaro tetai tangata i te oronga i te moni, ka rauka iaia i te rave i te reira. Kare tona ingoa e akakiteia i mua i te katoatoa.

Tetai tumu i rauka ai ia matou i te akatere meitaki i te moni, no te mea kare a matou pupu arataki o te akonoanga tei tutakiia. Kapiti mai ki teia, kare te Au Kite o Iehova e tutakiia ana kia aere mei tera are ki tera are, e e ngai tau ua to matou au ngai akamorianga.

Ka riro te moni tei tukuia ki te au opati manga o te Au Kite o Iehova ei tauturu i te aronga tei na roto i te au tumatetenga natura, ei turuturu i ta matou au mitinari e te aronga tutaka, ei akatu i to matou ngai akamorianga i roto i te au enua putaua, ei nenei i te au Pipiria e ta matou au puka, e ei tuku atu i te au puka ki te au enua ke.

Na te au mema tataki tai e iki me ka oronga aia i te moni no te ngai akamorianga, me kore no te angaanga tutuanga e raveia ra i te ao katoa. E akakite ua ana te au putuputuanga tataki tai i te au akakiteanga no te pae moni kia kite te katoatoa i te reira.

Apii Maata Atu

AU UIANGA A TE TANGATA

Vitio: Akapeea te Au Kite o Iehova te Turuturu Anga i ta Ratou Angaanga i te Pae Moni

Akara e akapeea ta matou angaanga i te ao katoa te turuturuia anga i te pae moni.