Neke ki te tumu manako rikiriki

Neke ki te rua o te ngai ka akaari mai i te au puka

Au Kite o Iehova

Reo Rarotonga

Koai Tei Akamou i te Akonoanga a te Au Kite o Iehova?

Koai Tei Akamou i te Akonoanga a te Au Kite o Iehova?

Kua akamata te akaaerenga a te Au Kite o Iehova i te openga o te 19 anere mataiti. I taua tuatau ra, kua akamata tetai pupu meangiti o te aronga apii Pipiria e noo ra i Pittsburgh, Pennsylvania, i Marike, i te apii matatio i te Pipiria. Kua kite ratou i te tuke i rotopu i ta te au akonoanga e apii ra e ta te Pipiria e apii tikai maira. I reira, kua akamata ratou i te tata i ta ratou i apii mai i roto i te au puka, te nutipepa, e te makatini tei kapikiia e ko Te Punanga Tiaki—Akakiteanga i te Patireia o Iehova.

I roto i teia pupu meangiti o te aronga apii Pipiria, ko tetai tangata ko Charles Taze Russell tona ingoa. Nana i arataki i te angaanga apii Pipiria i taua tuatau ra e koia te tangata mua tei akaaere i te nenei anga o te Watchtower. Tera ra, kare e nana i akamou i tetai akonoanga ou. Ko te akakoroanga o Russell e te aronga apii Pipiria, koia oki kia akatotoa i te au apiianga a Iesu e kia aru i te akaraanga o te putuputuanga Kerititiano i te anere mataiti mua. No te mea e na Iesu i akamou i te akonoanga Kerititiano, te irinaki nei matou e koia tei akamou i ta matou akaaerenga.—Kolosa 1:18-20.