Neke ki te tumu manako rikiriki

Neke ki te rua o te ngai ka akaari mai i te au puka

Au Kite o Iehova

Reo Rarotonga

Eaa te Tumu Kare te Au Kite o Iehova e Akono Ana i te Easter?

Eaa te Tumu Kare te Au Kite o Iehova e Akono Ana i te Easter?

Au manako tarevake

Manako tarevake: Te tumu kare te Au Kite o Iehova e akono ana i te Easter koia oki, kare ratou i te au Kerititiano.

Mea tika: Te irinaki nei matou e ko Iesu Karaiti to tatou Akaora, e ka tauta matou i te ‘aru i tona takainga vaevae.’—1 Petero 2:21; Luka 2:11.

Manako tarevake: Kare kotou e irinaki ana e kua akatuakaouia mai a Iesu mei te mate.

Mea tika: Te irinaki nei matou i te tuakaouanga o Iesu; te āriki nei matou e e mea puapinga tikai te reira i roto i te irinakianga Kerititiano e ka akakite maata i te reira i roto i ta matou angaanga orometua.—1 Korinetia 15:3, 4, 12-15.

Manako tarevake: Kare kotou e inangaro ana i ta kotou tamariki kia piri atu ki te tamataoraanga Easter.

Mea tika: E inangaro to matou i ta matou tamariki—te tauta pakari nei matou i te apii e te tauturu ia ratou kia mataora.—Tito 2:4.

Eaa te tumu kare te Au Kite o Iehova e akono ana i te Easter?

  • Kare te tamataoraanga Easter i akatumuia ki runga i te Pipiria.

  • Kua akaue a Iesu ia tatou kia akamaara i tona matenga, kare i tona tuakaouanga. E akono ana matou i teia Akamaaraanga i te au mataiti ravarai i te rā akamaaraanga o tona matenga kia tau ki te karena a te Pipiria.—Luka 22:19, 20.

  • Te irinaki nei matou e ko te akamataanga o te au peu Easter, no roto mai ïa i te au peu taito no te anau anga tamariki, e kare te Atua e āriki ana i te Easter. Te umuumu maira te Atua ia tatou kia akamori anake ua iaia, e kare aia e mareka ana i te akamorianga te o maira te au peu kare aia e āriki ana.—Exodo 20:5; 1 Ariki 18:21.

Te irinaki nei matou e ko ta matou ikianga no te kopae anga i te akono i te Easter, kua akatumu ketaketaia ki runga i te Pipiria, tei akamaroiroi ia matou kia taangaanga i te “pakari meitaki e te akono,” kare kia aru ua i te au peu a te tangata. (Maseli 3:21; Mataio 15:3) I te mea e te akakite nei matou i ta matou e irinaki ana no runga i te Easter ki etai ke, te akangateitei katoa nei matou i te tikaanga no tetai tangata kia iki i tana ka rave.—1 Petero 3:15.