Neke ki te tumu manako rikiriki

Neke ki te rua o te ngai ka akaari mai i te au puka

Au Kite o Iehova

Reo Rarotonga

Te Tauturu ra Ainei te Au Kite o Iehova i te au Tumatetenga?

Te Tauturu ra Ainei te Au Kite o Iehova i te au Tumatetenga?

Ae, e tauturu putuputu ana te Au Kite o Iehova me tupu mai te au tumatetenga. E oronga ana matou i te tauturu tau ki te Au Kite e te aronga kare i te Au Kite, kia tau ki ta te Pipiria ikuikuanga i roto ia Galatia 6:10 e: “E takinga-meitaki tatou i te tangata ravarai, kia maata atura ki to te ngutuare o te akarongo ra.” E tauta katoa ana matou i te oronga i te tauturu i te pae manako e te pae vaerua te anoano maataia ra e te aronga i rokoia e te tumatetenga.—2 Korinetia 1:3, 4.

Akanoonooanga

Muri ake i tetai tumatetenga, ka tauta te aronga pakari o te au putuputuanga i roto i te ngai kino kia aravei i te katoatoa i roto i te reira au putuputuanga kia kite e me te meitaki ra ratou e eaa te tauturu ta ratou e anoano ra. E oti ka ripoti te aronga pakari i ta ratou i kite mai e ta ratou au ravenga no te tauturu ki te opati manga o te Au Kite o Iehova i to ratou ngai.

Me kare e rauka i te au putuputuanga i taua ngai ra i te oronga i te tauturu, ka akanoo te Pupu Akaaere o te Au Kite o Iehova i te oronga i te tauturu te ka anoanoia. Te aiteite nei teia ki te tu i akono ana te au Kerititiano mua i tetai e tetai i te tuatau o te onge. (1 Korinetia 16:1-4) Ka akanoo te opati manga i tetai Kumiti Tauturu no te Tumatetenga kia akaaere e kia arataki i te angaanga. E oronga ana te Au Kite no te au ngai ke mai i to ratou taime e te au apinga kia tauturu atu.—Maseli 17:17.

Akapou anga moni

Tetai mataara e taangaangaia ana te moni oronga ua tei tukuia ki te opati manga o te Au Kite o Iehova, koia oki ei tauturu i te aronga tei kino i te tuatau tumatetenga. (Angaanga 11:27-30; 2 Korinetia 8:13-15) I te mea e te raveia ra te angaanga e te aronga tauturu kare e tutaki, e tukuia ana te moni ei tauturu i te tumatetenga, kare kia tutaki i te aronga angaanga. E matakite ana matou i te taangaanga i te au moni oronga ua.—2 Korinetia 8:20.