Neke ki te tumu manako rikiriki

Neke ki te rua o te ngai ka akaari mai i te au puka

Au Kite o Iehova

Reo Rarotonga

Piri Ainei te Au Kite o Iehova ki te au Akonoanga ke no te Akamori?

Piri Ainei te Au Kite o Iehova ki te au Akonoanga ke no te Akamori?

Ei Au Kite no Iehova, e reka ana matou i te uriuri i te akarongo ki te aronga e akonoanga tuke ta ratou, inara kare matou e piri ana ki te au akonoanga ke no te akamori kapiti. Akaari mai te Pipiria e “tau meitaki ... e i piri ei oki” te au Kerititiano mou, tetai taviri no teia tu taokotai koia te irinakianga okotai. (Ephesia 4:16; 1 Korinetia 1:10; Philipi 2:2) E maata atu te ō maira i te āriki i to tetai manako no te aroa, takinga meitaki, e te akakore anga ara. Akatumuia ta matou irinakianga ki runga i te kite mou tikai i te Pipiria, naringa kare, e mea puapinga kore ua to matou akarongo.​—Roma 10:​2, 3.

Te akaaite ra te Pipiria i te akamori kapiti ma te au akonoanga tuke ki te kapitiia ma te tau kore, e ka takino i te akarongo o tetai Kerititiano. (2 Korinetia 6:14-17) No reira, kare a Iesu e akatika ana i tana au pipi kia akamori kapiti ki te au akonoanga tuke. (Mataio 12:30; Ioane 14:6) Pera katoa, i roto i te Ture a Mose kare te Atua i akatika ana i to Iseraela i taito kia piri atu ki te au pa enua i te pae mai no te akamorianga. (Exodo 34:11-14) E i muri mai, kua patoi to Iseraela i te tauturu te akariro ia ratou kia piri atu ki te akonoanga tuke.​—Ezera 4:​1-3.

Te tuatua ra ainei te Au Kite o Iehova ki te aronga e tuke ta ratou akonoanga?

Ae. I te mataiti 2016 kua akapou matou e 1,983,763,754 ora i te tuatua ki te aronga e akonoanga ke ta ratou. Mei te apotetoro ko Paulo, ka inangaro matou kia kite i te aerenga manako e te irinakianga a “te tangata katoa” i roto i ta matou angaanga tutu aere. (1 Korinetia 9:19-22) Me pukapuka matou, ka tauta kia aru i te akoanga a te Pipiria ei akaari i te “kauraro marie atu” ki te tangata.​—1 Petero 3:​15.

Apii Maata Atu

NUTI MEITAKI NO KO I TE ATUA!

Akapeea Koe e Kite ei i te Akamorianga Mou?

Okotai ua ainei akonoanga mou? Akamanako ana e rima akairo tei akataka i te akamorianga mou.