Neke ki te tumu manako rikiriki

Neke ki te rua o te ngai ka akaari mai i te au puka

Au Kite o Iehova

Reo Rarotonga

E Oronga Ana Ainei te Au Kite o Iehova i te Tuanga Ngauru?

E Oronga Ana Ainei te Au Kite o Iehova i te Tuanga Ngauru?

Kare, kare te Au Kite o Iehova e oronga ana i te tuanga ngauru; te turuia ra ta matou angaanga e te moni oronga ua. Eaa te tuanga ngauru, e eaa ra te Au Kite o Iehova kare e oronga ana i te tuanga ngauru?

Ko te akauenga no te tuanga ngauru, me kore te oronga anga i te tuanga ngauru o te au apinga, e tuanga te reira no te Ture tei orongaia ki te ngati Iseraela taito. Inara te akataka maira te Pipiria e ko teia Ture—kapiti mai te “rave i te ngauru”—kare e tau ana no te au Kerititiano.—Ebera 7:5, 18; Kolosa 2:13, 14.

Kare te Au Kite o Iehova e anoanoia kia oronga i te tuanga ngauru e te au atianga, mari ra ka aru ratou i te au Kerititiano mua e ka turuturu i ta ratou angaanga orometua na roto i teia nga mataara: na te tutu aere anga e te apii anga, kare e tutakiia e na te oronga anga i te moni tauturu.

Te aru ra matou i te ikuikuanga a te Pipiria ki te au Kerititiano e: “E oronga te tangata ravarai i tana i akakoro i roto i tona ngakau; eiaa ma te noinoi, e mei te mea e no te umuumu: ko te tangata oronga ma te rekareka ta te Atua e inangaro.”—2 Korinetia 9:7.