Neke ki te tumu manako rikiriki

Neke ki te rua o te ngai ka akaari mai i te au puka

Au Kite o Iehova

Reo Rarotonga

Te Kopae ra Ainei te Au Kite o Iehova i te Aronga no Roto Ana i ta Ratou Akonoanga?

Te Kopae ra Ainei te Au Kite o Iehova i te Aronga no Roto Ana i ta Ratou Akonoanga?

Kare matou e kopae ana i te aronga tei papetitoia ei Au Kite no Iehova tei kore e tutu aere ki etai ke, penei no te mea kare e piri akaou mai ana kia matou. Te tika, ka aravei matou ia ratou no te akamaroiroi anga i te pae vaerua.

Kare matou e akaatea vave ana i tetai tangata tei rave i te ara kino. Tera ra, me e angaanga matau na tetai Kite tei papetitoia kia aati i te au ture a te Pipiria e kare e tataraara, ka kopaeia me kore ka akaateaia aia mei te putuputuanga. Te akakite tika maira te Pipiria e: “E tenana e akataka ke atu kotou i taua tangata tuatua kino i roto ia kotou na.”—1 Korinetia 5:13.

Eaa te ka tupu ki tetai tangata tei akaateaia mei te putuputuanga inara ko tana vaine e ta raua tamariki, e Au Kite no Iehova ratou? Ka taui tona pirianga ki te ngutuare tangata i te pae vaerua, kare ra i te pae kopapa. Ka vai ua rai tona pirianga akaipoipo e te tu aroa o te ngutuare tangata.

Penei ka aere mai te aronga tei akaateaia mei te putuputuanga ki ta matou au uipaanga. Me ka inangaro ratou, ka rauka i te aronga pakari o te putuputuanga i te oronga i te tauturu pae vaerua. Ko te akakoroanga koia oki, kia tauturu i te tangata kia riro akaou mai ei Kite no Iehova. Te aronga kua akaateaia mei te putuputuanga tei kopae i te au angaanga tau kore e te tauta pakari ra i te aru i te au turanga o te Pipiria, ka āriki akaouia ratou ei au mema no te putuputuanga.