Neke ki te tumu manako rikiriki

Neke ki te rua o te ngai ka akaari mai i te au puka

Au Kite o Iehova

Reo Rarotonga

E au Kerititiano Ainei te Au Kite o Iehova?

E au Kerititiano Ainei te Au Kite o Iehova?

Ae. E au Kerititiano matou no teia au tumu:

  • E tauta ana matou i te aru vaitata i te au apiianga e te tu o Iesu Mesia.—1 Petero 2:21.

  • Te irinaki nei matou e ko Iesu te tumu o te ora, e “kare atu oki e ingoa i akakiteia mai ki te tangata i raro ake i teianei rangi, e oraʼi tatou nei.”—Angaanga 4:12.

  • Me riro mai tetai tangata ei Kite no Iehova, ka papetitoia aia i te ingoa o Iesu.—Mataio 28:18, 19.

  • Ka pure matou na roto i te ingoa o Iesu.—Ioane 15:16.

  • Te irinaki nei matou e ko Iesu te Upoko, me kore nona te tikaanga i rungao i te tangata ravarai.—1 Korinetia 11:3.

Inara, e tuke rai matou mei te au akonoanga ke tei kapikiia e e akonoanga Kerititiano. Ei akaraanga, te irinaki nei matou e te apii maira te Pipiria e ko Iesu te Tamaiti a te Atua, kare i te tuanga no te Toru Tai. (Mareko 12:29) Kare matou e irinaki e ka ora ua atu te tangata tei mate, kare te Tuatua Tapu e karanga ra e te tamamae ra te Atua i te tangata i roto i te ai era, me kore ka orongaia te taoonga no te au arataki akonoanga kia teitei atu ratou i etai ke.—Koheleta 9:5; Ezekiela 18:4; Mataio 23:8-10.