Neke ki te tumu manako rikiriki

Neke ki te rua o te ngai ka akaari mai i te au puka

Au Kite o Iehova

Reo Rarotonga

Eaa te Tumu Kare te Au Kite o Iehova e Āriki Ana i te Pamu Toto?

Eaa te Tumu Kare te Au Kite o Iehova e Āriki Ana i te Pamu Toto?

Au manako tarevake

Manako tarevake: Kare te Au Kite o Iehova e āriki ana i te rapakauanga. Irinaki ratou e kare e rauka i te au taote i te rapakau i te maki.

Mea tika: Ka kimi matou i te rapakauanga meitaki roa atu no matou e to matou au ngutuare tangata. Me tu matou i te maki, ka atoro matou i te au taote tei oronga i te rapakauanga e tei va’i ma te kore e pamu i te toto. Te mataora nei matou i te kite e te meitaki atura te au ravenga rapakauanga. Ko te tika, ko te au ravenga rapakauanga kare e pamu toto tei tauturu ana i te Au Kite o Iehova, te taangaangaia ra no te iti tangata. I roto i te au enua e manganui, ka rauka i te tangata maki kia iki kia kore e pamu toto. Na te rave anga i teia, ka kopae aia i te au manamanata no te pamu toto mei te au manumanu kino i roto i te toto, kare toou kopapa e āriki i te toto, e me rave te au taote i te tarevake.

Manako tarevake: Te irinaki nei te Au Kite o Iehova e na te akarongo e akaora i te maki o tetai tangata.

Mea tika: Kare matou e rave ana i te akaora anga maki.

Manako tarevake: E maata te moni ka tutaki me kare e pamu toto.

Mea tika: Te au rapakauanga kare e pamu toto, kare e maata te moni i te tutaki. *

Manako tarevake: E maata te Au Kite o Iehova, kapiti mai ta ratou tamariki tei mate i te au mataiti no te mea kare ratou e āriki ana i te pamu toto.

Mea tika: Kare roa e akapapuanga e kua tupu teia. E va’i ana te au taote i te pukuatu, te ivi e te uaua, me kore e mono ana ratou i te au mero kopapa ma te kore e pamu toto. * Maataanga o te taime, te aronga tei va’iia, kapiti mai te tamariki, kua meitaki atu ratou i te aronga tei āriki i te pamu toto. * Noatu eaa te tu, kare e akapapuanga e ka mate tetai tangata me kare aia e āriki i te pamu toto me kore ka ora mai aia me āriki i te pamu toto.

Eaa te tumu kare te Au Kite o Iehova e āriki ana i te pamu toto?

No te mea kua akatumu ratou i ta ratou ikianga ki runga i te Pipiria. Te akaue maira te Koreromotu Taito e te Koreromotu Ou e auraka e kai i te toto. (Genese 9:4; Levitiku 17:10; Deuteronomi 12:23; Angaanga 15:28, 29) Pera katoa, i roto i te nga mata o te Atua e aiteitei te toto ki te ora. (Levitiku 17:14) No reira kare matou e āriki ana i te pamu toto no te mea te kauraro ra matou i te akauenga a te Atua e te akangateitei ra matou Iaia ei Tumu no te ora.

Taui anga te manako

Ka rauka i te au taote i te va’i i te tangata ma te kore e pamu toto

I mua ana, kua irinaki te au taote e te aronga rapakau e ko te au rapakauanga kare e pamu toto, e mea kino ïa, aite rai ki te tamate anga ia koe uaorai. Inara i te au mataiti i topa akenei, kua taui to ratou manako. Ei akaraanga, i te mataiti 2004, kua akakite tetai puka no te rapakauanga e “i te au mataiti ka aereia, ka aru te katoatoa i te au ravenga no te rapakauanga tei taangaangaia no te Au Kite o Iehova.” * Akakite katoa tetai makatini Heart, Lung and Circulation i te mataiti 2010 e “‘Ko te rapakauanga kare e pamu toto,’ ka tau te au taote i te taangaanga i te reira no te katoatoa, kare no te Au Kite o Iehova anake ua.”

Takapini i teia ao, te taangaanga nei te au taote i te au ravenga rapakau kare e pamu toto. Te aruia nei teia au ravenga i roto i te au enua putaua e te inangaro nei te maataanga o te tangata kare i te Au Kite i teia rapakauanga.

^ para. 8 Akara i te Transfusion and Apheresis Science, Voriumu 33, Nu. 3, kapi 349.

^ para. 10 Akara i The Journal of Thoracic and Cardiovascular Surgery, Voriumu 134, Nu. 2, kapi 287-288; Texas Heart Institute Journal, Voriumu 38, Nu. 5, kapi 563; Basics of Blood Management, kapi 2; e te Continuing Education in Anaesthesia, Critical Care & Pain, Voriumu 4, Nu. 2, kapi 39.

^ para. 10 Akara i The Journal of Thoracic and Cardiovascular Surgery, Voriumu 89, Nu. 6, kapi 918; e te Heart, Lung and Circulation, Voriumu 19, kapi 658.

^ para. 14 Continuing Education in Anaesthesia, Critical Care & Pain, Voriumu 4, Nu. 2, kapi 39.