Neke ki te tumu manako rikiriki

Neke ki te rua o te ngai ka akaari mai i te au puka

Au Kite o Iehova

Reo Rarotonga

Ka Umuumuia Ainei Au Kia Riro Mai ei Kite no Iehova me Apii i te Pipiria Kia Ratou?

Ka Umuumuia Ainei Au Kia Riro Mai ei Kite no Iehova me Apii i te Pipiria Kia Ratou?

Kare, kare koe e umuumuia kia pera. E mirioni ua atu tei mataora i ta matou porokaramu apii Pipiria e kare e riro mai ei au mema no ta matou putuputuanga. * Te akakoroanga o te porokaramu, kia akaari eaa ta te Pipiria e apii maira. Naau rai te ikianga eaa taau ka rave no teia kite. Ka āriki ua matou e ko te akarongo e tuanga naau uaorai.​—Iosua 24:15.

Ka akatikaia au kia taangaanga i taku uaorai Pipiria me apii?

Ae. Noatu e reka ana matou i te taangaanga i te urianga ou New World Translation of the Holy Scriptures e ka oronga ua i tetai kopi naau kare e tutaki me ka inangaro koe, ka mataora ua matou me taangaanga koe i taau uaorai Pipiria. Ka rauka ia koe te apii i te karere a te Pipiria no te manakonakoanga e te ora mei tetai ua atu urianga.

Eaa te tumu i apii ei kotou i te aronga kare e piri mai ki ta kotou akonoanga?

  • Te tumu maata, no to matou inangaro i te Atua ko Iehova, tei inangaro i te au Kerititiano kia apii i tetai ke ta ratou i mou mai. (Mataio 22:37, 38; 28:19, 20) Irinaki matou e kare atu e tika anga ngateitei mari ra kia riro ei ‘oa rave angaanga no te Atua’ e te tauturu i te tangata kia kite i tana Tuatua.​—1 Korinetia 3:6-9.

  • Ka riro katoa teia aroa no te tangata ei akakeu ia matou. (Mataio 22:39) Rekareka matou i te akaari ki tetai ke te au mea umere ta matou i apii.​—Angaanga 20:35.

^ para. 2 Ei akaari mei teaa te maata i ta matou porokaramu apii, i te mataiti 2016 kua rave matou e 10,115,264 apii Pipiria i te au marama, tetai taime e maata te tangata i te taime okotai. Inara e 264,535 tangata tei papetitoia ei Au Kite no Iehova i tera mataiti.