Neke ki te tumu manako rikiriki

Neke ki te rua o te ngai ka akaari mai i te au puka

Au Kite o Iehova

Reo Rarotonga

Eaa te Tumu Kare te Au Kite o Iehova e Aere Ana ki te Tamaki?

Eaa te Tumu Kare te Au Kite o Iehova e Aere Ana ki te Tamaki?

Teia tetai au tumu kare te Au Kite o Iehova e aere ana ki te tamaki:

  1. Akarongo ki te Atua. Te na ko ra te Pipiria e ka “tupaki oki [te au tavini o te Atua] i ta ratou au koke ei auri arote” e “kare oki ratou e apii akaou i te tamaki.”—Isaia 2:4.

  2. Akarongo kia Iesu. Kua akakite a Iesu ki te apotetoro ko Petero e: “Ka momono ana i taau koke ki roto i te vaî; ko tei rave i te koke ra, ka mate ïa i te koke.” (Mataio 26:52) Te akaari maira a Iesu e kare tana au pipi e rave i te au apinga tamaki.

    Te akarongo ra te au pipi a Iesu i tana akauenga e kare “ratou i to teianei ao” na te kore anga e piri atu ki te au angaanga poritiki. (Ioane 17:16) Kare ratou e piri atu ki te au angaanga a te au vaeau me kore e tamanamanata atu i te aronga tei iki kia aere ki te tamaki.

  3. Aroa no tetai ke. Kua akaue a Iesu i tana au pipi kia “aroa kotou ia kotou uaorai.” (Ioane 13:34, 35) Ka akatupu i reira ratou i tetai taokotaianga taeake i te ao katoa e kare tetai mema e tamaki atu i tona taeake me kore tuaine.—1 Ioane 3:10-12.

  4. Akaraanga o te au Kerititiano mua. Te akakite maira te Encyclopedia of Religion and War e: “Kua patoi te au pipi mua a Iesu i te tamaki e te angaanga vaeau” no te mea kua kite ratou “e kare te reira e rotai ana ki te kaveinga a Iesu no te aroa e te akauenga kia aroa atu i to ratou enemi.” Kua tuatua katoa te tangata apii Pipiria Tiamani ko Peter Meinhold no runga i te au pipi mua a Iesu e: “Kare e rotai ana te turanga o tetai Kerititiano ki to te vaeau.”

Tauturu anga i te iti tangata

E puapinga tikai te Au Kite o Iehova ei au mema no te iti tangata e kare ratou e takino ana i te tu au o te enua e noo ra ratou. E akangateitei ana matou i te au mana kavamani, kia tau ki te au akauenga a te Pipiria:

  • “Kia kauraro marie te tangata katoatoa i te aronga mana taoonga ra.”—Roma 13:1.

  • “E apai mari i ta Kaisara kia Kaisara; e ta te Atua ra, e apai ïa ki te Atua.”—Mataio 22:21.

No reira, te kauraro nei matou ki te au ture, te tutaki nei i ta matou au tero, e te taokotai nei ki te au tautaanga a te kavamani i te tauturu i te iti tangata.