Neke ki te tumu manako rikiriki

Neke ki te rua o te ngai ka akaari mai i te au puka

Au Kite o Iehova

Reo Rarotonga

Te Irinaki ra Ainei te Au Kite o Iehova e Kua Angaia te au Mea i Roto i te Ono Rā?

Te Irinaki ra Ainei te Au Kite o Iehova e Kua Angaia te au Mea i Roto i te Ono Rā?

Kare. E irinaki ana te Au Kite o Iehova e na te Atua i anga i te au mea ravarai. Inara kare matou e āriki ana e kua angaia te au mea i roto i te ono rā. No teaa ra? No te mea kare e tano ana teia au manako ki ta te Pipiria. Akamanako ana i teia nga akaraanga:

  1. Te roa o te ono rā no te anga mai anga. Kua tamanako tetai aronga e e 24 ora te roa o te ono rā o te anga mai anga. Inara ko te tuatua “rā” i roto i te Pipiria, te taiku ra i tetai tuatau roa.—Genese 2:4; Salamo 90:4.

  2. Te roa anga o te enua. Kua apii tetai aronga e e nga tauatini ua mataiti te angaia mai anga te enua. Inara kia tau ki ta te Pipiria, kua anga takereia mai te enua e te ao katoa i mua ake i te ono rā o te anga mai anga. (Genese 1:1) No tera tumu, te āriki ra te Au Kite o Iehova i te au akapapuanga a te au taineti e e pirioni ua atu au mataiti te angaia mai anga te enua.

Noatu e te irinaki ra te Au Kite o Iehova i roto i te au mea angaia, kare ra matou e patoi ana i te irinakianga taineti. Te irinaki nei matou e te rotai ra te irinakianga taineti tika tikai ki ta te Pipiria.