Neke ki te tumu manako rikiriki

Neke ki te rua o te ngai ka akaari mai i te au puka

Au Kite o Iehova

Reo Rarotonga

E Akonoanga Cult Ainei te Au Kite o Iehova?

E Akonoanga Cult Ainei te Au Kite o Iehova?

Kare, kare te Au Kite o Iehova i te akonoanga cult. Mari ra, e au Kerititiano matou te tauta nei i te aru i te akaaraanga o Iesu Karaiti e te aru nei i tana au apiianga?

Eaa te cult?

E tukeke te aiteanga o te tuatua “cult” ki te au tangata. Inara, akamanako ana e rua manako no runga i te cult e te tumu kare te reira e tau ana kia matou.

  • Te manako ra tetai pae e e akonoanga ou e te tuke akerai te akonoanga cult. Kare te Au Kite o Iehova i te akonoanga ou. Mari ra, te aru nei ta matou akamorianga i te tu o ta te au Kerititiano i te anere mataiti mua, tei rekotiia to ratou akaraanga e ta ratou au apiianga i roto i te Pipiria. (2 Timoteo 3:16, 17) Te irinaki nei matou e tei te au Tuatua Tapu te mana i te akatere i te au mea tau no te akamorianga.

  • Te manako ra tetai pae e ko te akonoanga cult, e akonoanga kino tei aratakiia e tetai tangata. Kare te Au Kite o Iehova e akara ana ki tetai tangata ei arataki no ratou. Mari ra, te aru nei matou i te turanga ta Iesu i akanoo mai no tana au pipi i te na ko anga e: “Okotai o kotou Arataki, ko te Mesia.”—Mataio 23:10.

Kare te Au Kite o Iehova i te akonoanga cult, mari ra te akono ra matou i tetai akonoanga te puapingaia ra te au mema e tetai ke i roto i te iti tangata. Ei akaraanga, kua tauturu ta matou angaanga orometua i te manganui kia akakore i te au peu kino mei te kai apinga akakona e te kai kava. Kapiti mai, te rave nei matou i te au apii no te tatau takapini i teia ao, te tauturu anga i te au tauatini ua atu kia kite i te tatau e te tata. E te maroiroi nei matou i te tauturu atu i te tuatau tumatetenga. Te angaanga pakari nei matou i te akaari i te akaraanga meitaki no etai ke, mei ta Iesu rai i akaue i tana au pipi kia rave.—Mataio 5:13-16.

 

Apii Maata Atu

NUTI MEITAKI NO KO I TE ATUA!

Akapeea Koe e Kite ei i te Akamorianga Mou?

Okotai ua ainei akonoanga mou? Akamanako ana e rima akairo tei akataka i te akamorianga mou.