Neke ki te tumu manako rikiriki

Neke ki te rua o te ngai ka akaari mai i te au puka

Au Kite o Iehova

Reo Rarotonga

Tauturu Anga i te au Mouauri

Tauturu Anga i te au Mouauri

I te au rā ravarai, e maata te reta a te au mouauri e tata ana ki te au opati o te Au Kite o Iehova, te pati tauturu i te pae vaerua.

Ka ariu matou ki teia au patianga, te akanoo anga i te au tavini tamou i roto i te au putuputuanga kia atoro e te apii i te Pipiria ki teia aronga i roto i te au areauri, te are maki, te ngai nooanga o te mapu, e te ngai nooanga o te aronga taeroia.

I tetai au areauri, kua rave putuputu te au tavini tamou i te au uipaanga. Ei akaraanga, i tetai ngai, e 32 tei tae mai ki tetai ako tei raveia i roto i te rua ngai o te areauri.

E mea akamaroiroi te au tupuanga. Tetai mouauri i Indiana tei akautungaia no te katoaanga o tona oraanga no te akakoro i te tamate, kua rave i te au tauianga meitaki i tona tu e kua papetitoia ei Au Kite o Iehova.

No runga i tetai atu mouauri i roto i te ākā areauri i California, karanga te Kite tei apii i te Pipiria kiaia e: “Kua kite au i tona tu i mua ake ka apii ei i te Pipiria e tona tereanga ki mua. Te au tauianga tana i rave kia tau no te papetito e mea umere tikai.

E manganui te au mouauri tei āriki i te tuatua mou Pipiria noatu e kua kite ratou e ka ō ratou ki roto i te kino no te raveanga i te reira. Ei akaraanga, tetai pae tei akaruke i to ratou pupu kino kua anoanoia kia tukuia ki tetai ngai ko ratou anake ua me kore kia nekeia ki tetai areauri ke ei paruru ia ratou.

Kua riro te mana ririnui o te Pipiria i te taui i te oraanga ei mea umere ki te aronga tiaki mouauri. Kua oronga tetai pae i te au pepa akameitaki e te au re akameitaki ki te aronga tauturu koia te Au Kite no ta ratou angaanga meitaki i ko i te au areauri.

 

Apii Maata Atu

NUTI MEITAKI NO KO I TE ATUA!

Akapeea Tatou e Puapinga ai Mei te au Kaveinga Pipiria?

Akamarama mai a Iesu eaa ra tatou ka anoano ei i te aratakianga e ko teea te nga kaveinga Pipiria puapinga atu.